منتديات احباب الحسين عليه السلام

منتديات احباب الحسين عليه السلام (https://www.ahbabhusain.net/vb/index.php)
-   احباب الحسين للشعر الشعبي (https://www.ahbabhusain.net/vb/forumdisplay.php?f=112)
-   -   قصيدة الى الامام الرضا ع. بقلم الشاعر حيدرموسى الرميثي (https://www.ahbabhusain.net/vb/showthread.php?t=120631)

عشاق المفيد 27-01-2017 02:36 PM

قصيدة الى الامام الرضا ع. بقلم الشاعر حيدرموسى الرميثي
 
– مثل زينب غربتك اه يالرضا


اه يزينب – ذكرتنه بالغريبة يالرضا

ملحت المجلس ذكرهه – بينه ضل يلهب جمرهه
,,,,,,,,,,,,,,,,,,,,,1
اه ينار الغربة بيكم ليش تلهب
الغربه ماترحم نشدنه عنهه زينب
الناكة من شافتهه تبجي وياهه تنحب
الله خالق هالدموع عليهه تنصب

اه يزينب – من كلبنه الكلمة تطلع بالحنين
اه يزينب – ليش عفتي عالترب جسم الحسين
ليش ضل ازرك ظهرهه – بينه ضل يلهب جمرهه
,,,,,,,,,,,,,,,,,,,,,2
توكف وتوكع تريد حسين ركظت
بخنصره بنص الدرب ياوسفه عثرت
شالته وعله الاثر مهظومة وصلت
شافته ابلا راس اخوهه ويمه وكعت

اه يزينب – صاح نحر حسين وجروحه بجت
اه يزينب - جفوف ابوفاضل عليهه سلمت
والزمن قاسي وغدرهه – بينه ضل يلهب جمرهه



,,,,,,,,,,,,,,,,,,,,,3
نبقى نبجي اعليهه كل صبح ومسيه
يالرضا وماننسه نار الغاضريه
اتعاتب العباس بدموع الرزية
اتكله حرمة ودارت الوادم عليه

اه يزينب – من رقيه تصيح طكاني الشمر
اه يزينب – وياج جم طفله تطيح وتنكسر
الحزن مايجبر كسرهه – بينه ضل يلهب جمرهه
,,,,,,,,,,,,,,,,,,,,,4
ندري جبدك بالغرب ضل يجري دمه
يالرضا وندري العدو ماعنده رحمه
يالرضا وعاشر محرم يحجي همه
وين تمشي عمتك والدنيا ضلمة

اه يزينب- سكنه صاحت نار تجويني وتون
اه يزينب – اتصيح شلعوهه التراجي من الاذن
الله اكبر ياصبرهه – بينه ضل يلهب جمرهه
,,,,,,,,,,,,,,,,,,,,,5
اتحيط كبرك شيعتك شوف شكثرهه
زينب بنص الغرب يلهب جمرهه
هددوهه اعداك يتهدم كبرهه
بالقذايف تنظرب حيرنه امرهه

اه يزينب - رجعوا احفاد ال اميه واكفر
اه يزينب – رادوا يهدمون مولاي الكبر
زينب الباري نصرهه – بينه ضل يلهب جمرهه
,,,,,,,,,,,,,

عاشقة ام الحسنين 05-08-2017 02:37 AM

اللهم صل عل محمد وآل محمد وعجل فرجهم ياكريم
آحسنتم القصيدة المميزة
يعطيك العافية على الطرح الجميل


الساعة الآن 03:44 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين