قصيدة(عشق الحسين)
انته يحسين الهدايه***وللنجاة انته الوسيله واليّحبك بالقيامه***يم علي واضح سبيله ********************** انته يحسين الهدايه***والحسن انته سندنه لاجلك انضحي ابدمانه*** سيّدي وحبّك سعدنه مايمر الخوف بينه***سيّدي ودربك نصرنه انته مصباح الهدايه***لشيعتك انته دليله *********** حبّنه الك من البدايه***وبنهر حبّك روينه وينظر الباري دمانه*** لجدّك الهادي سعينه واوّل واخر هدفنه***لكبرك الغالي مشينه وللنجاة انته السفينه***لشيعتك انته كفيله ********** احنه اجينه وزين ندري ***كربله حاله فريده وكل كلب يحسين بينه***ينزف ابحاله شديده مايهز الموت كلبه***المخلص الباري عضيده ياحسين وعن مصيره***المصطفى هوّه سبيله ********** اليوّد يحسين همّه***يكتب ابدمه الشهاده واليريد الجنّه لازم***للوصي يكتب جهاده وكل نفس يحسين بينه***تهتف ابزود واراده بالزمن ماكو مثالك*** وزينب الهادي عقيله ********** انته مصباح الهدايه*** وبالدهر ماكو مثاله جدّك الهادي محمّد*** حامل انوار الرساله اووالدك سيف البطوله*** وامّك الزهره عداله بالشرف ماكو مثالك *** وجدّك الهادي سليله ************* بقلم خادم اهل البيت http://im61.gulfup.com/qwKfia.gif عبدالله العتابي |
اللهم صل على محمد وآل محمد وعجل فرجهم يا كريم
تسلم الايادي ع الطرح الرائع يعطيك ربي الف عافيه ع المجهود الجميل وفقت لكل خير |
بارك الله بكم جزاكم الله كل خير شكرا لكم |
الساعة الآن 06:17 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق محفوظة لمنتديات احباب الحسين