عالجسر موعدنا يالكاظم اجينا
 

سلام الله على باب الحوائج الامام موسى ابن جعفر ع
اعظم الله لنا ولكم الأجر بهذا المصاب الجلل،،
القصيدة
المستهل
"""""""
موغريبة عالحزن من يلفي لينا
عالجسر موعدنا يالكاظم اجينا
النص
"""""
1-
حوائج النه يامولاي جيناك
يلما راد طالب حاجة ننخاك
ياراهب العترة القلب ينعاك
گصدنا وندري ماتبخل علينا
2-
شكثر اتحملت آهات وهموم
وبذاك السجن گابع يمظلوم
تاليها جزاك ابغدر مسموم
مصابك فاجعة لوعتها بينا
3-
على العادة والغدر هوه طبعهم
بني العباس انعرف هذا حقدهم
بأل طه النبي اتوصّف كل جرمهم
هذا امام الرافضة هالغادرينا
4-
حقد هارون اللعين اللي غدر بيك
اقرب للنبي انته اوهوه يدريك
شلون الطاغية او ظُلمه يخليك
يلي ابقعر السجون امودّعينه
5-
مثل ما جدك غريب الغاضرية
يبن جعفر ياغريب الكاظمية
لعن الله بني العباس او أمية
ذبحوا عترة الهادي نبينا
6-
الحجة الله اليوم قدّمنا عزانا
ويانه حاضر هالعزا وهوه رجانا
ربي تجعلنا انصاره ويا عسانا
على دروب المنايا احنا مشينا
ه ه ه ه ه ه ه ه ه ه ه ه ه ه ه ه ه
✍>>زاهر المعموري

اللهم صل على محمد وآل محمد وعجل فرجهم ياكريم
يعطيك العافية على

الكلمات الرااائعة

موازين اعمالك