منتديات احباب الحسين عليه السلام

منتديات احباب الحسين عليه السلام (https://www.ahbabhusain.net/vb/index.php)
-   احباب الحسين للقصص والحكايات (https://www.ahbabhusain.net/vb/forumdisplay.php?f=26)
-   -   فضايح الشباب يلا بنات اضحكوو وانبسطو (https://www.ahbabhusain.net/vb/showthread.php?t=5061)

عاشق الامام الحسين 16-03-2009 03:14 PM

فضايح الشباب يلا بنات اضحكوو وانبسطو
 
جبت لكم يااابنوتااااات فضائح للشبااااب منشاان يعرفووون قيمتهم هع

بس ياااشبااااب بلا زعل خلوناااا نضحك عليكم شوي هههههههههه


يلااااا نبداااء هع هع


نشوف الولد وهو توه بزرأول ما يفكر فيه سواقه السيارة
تلاقيه اما ماسك غطا قدر او غطا قوطي نيدو ويفر فر به في البيت
ولا توه طوله شبرين يخشّن صوته يعني إني رجّال
<<< وش أنت طاير عليه الله يرحم حالك.

**********
واذا كبر شوي صارت برضو السيارة اكبر همه...
يستنى وقت نومة ابوه علشان يسرق مفاتيح السيارة
ويروح يجمع ربعه هالبزارين ويمرمر بهم بهالشوارع شوفوني انا كبيررر
واغلب كلامه بهالمرحلة اشتروا لي سيارة
زهقت..
طفشت.. من الدراسة.. ..
...... يمه دبري لي فلوس ...

****************
وشفوا المصالة الصدق إذا بدا يخطّ شاربه و" ينبحّ " صوته ...
يصير يستحي يتكلم متفشل من صوته اللي كنه صوت دباب خربان

***************
و لو تدخلون غرفة عيال وش تلاقون اللهم ياكافي تقل " مقلب قمامة " والجميع بكرامة
مافيه مكان نظيف إلا إن كان زبالتهم تكرمون
شراريب منّطله هنا وهناك
و خلاقين مرمية بكل مكان التكميلة في ناحية والبوت فردة في المخزن مدري وش وداها هناك
والثانية عند باب المطبخ
ولو فتحت ادراجهم لازم تلاقي اوراق دعايه مطاعم..
علب ساعات فاضيه ....وعطورات منتهية صلاحيتها ...
أمشاط علب علك اكسترا ......
واحلى شي اذا ناظرت تحت سريرة هوايتهم جمع قراطيس البسكوت
إن بغت أمه أو اخته ترتّبها قعد ينافخ ضيعتوا اغراضي وين اسرار البلاستيشن؟؟
انا مرتاح فيها كذا .. نظفوا غرفكم ولا عليكم مني ؟؟ ومن هالحكي ......

************
لو يدري إن وحدة من خواته ردّت بالتلفون على واحد من أخوياه..
قوّم الدنيا ولا قعّدها على باله غِيره<<< يا شيخ رح الله يصلحك.

و لو عزم الشباب و تأخرت القهوة قعد ينافخ على أمه فشلتوني عند ربعي
<<<<<<يقطع بليسك هو رَبعك ألزم من أمك ؟؟
و المسيكينه تسكت ولا ترد تخاف تضيّق صدره <<<<< يا ناس على قلب الأم
ويكون البيت في حاله صمت لا وحده منكم اسمع صوتها..
ولا ترفعون صوت التفزيون...
ولا تمرون بالصاله.....

********************
صار الشباب ينافسون البنات بقصاتهم ولبسهم
وحتىىى بالمكياج ....تشوفه ماتدرى اهو بنت ولا ولد
يبون يلفتون الانظار لهم بأى شكل يبون يتميزون وبس
ما يهمهم اذاعييب هالشي او لا ...

******************
والشاب اذا قرر انه يتزوج يروح لأمه ويصير يفتي بصفات زوجة المستقبل..
ابيها مثل الممثلة الفلانية ونفس دلال المغينة العلانية....
رشيقة القوام ومليحة الوجه ،،، وبيضاء الجسد .......<<<< يا حلوي وانا اسولف بالفصحى
وليته يشوف نفسه قبل يتشرط ......

*****************

:: بحر :: 16-03-2009 04:12 PM

هــهــهــهــهــهــهــهــهــهــهــ...
يسلمووووووو

محـب الحسين 16-03-2009 04:41 PM

ولكن لاتنسى بأنك تضحك على نفسك
أم انك ليس من الشباب ؟
خخخخخخخ
شكرا لك

عاشقة الابتسامه 16-03-2009 05:24 PM

ههههههه
موفق بإذن الله ... لك مني أجمل تحية .


الساعة الآن 11:34 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين