فاطمه أم أبيها (ص)
------------
مصايب فاطمه من وين أبديه=ياغصه أعوفن ياهي ألحجيه
فضله ماتعده أرقام= حزنه ماتحصره أقلام
بس ألله الجليل أبلـــــــــــــــوحه حاصيه
مصايب فاطمه من و ين أبديه
----------------------
شكتب عن فضائل بت رسول الله= والهادي أبوه بروحه يِفديه
آني منهو آني وعرف الزهــــراء= الزهره ما عرفها إلا بـــاريه
شما أكتب وحاول أجمـع ألأضداد= فضل وأحزان ما أكدر أغطيه
معصومه زجيه بت نبي معصوم=ولاحتى البتول أم عيسى تدنيه
الغـَضبه يغضب الجباررب الكون=يرضى من رضاه على ليواليه
أشرايك بالهجم ليه وحرك للــدار=كسرضلع البتول وما رحم بيه
شما تترضى عنه = الناراترفضه والجنه
ألجحيم أتفور تزعل من يطب ليهَ
مصايب فاطمه من و ين أبديهَ
---------------
منين أبدي مصايب بت نبي ألإسلام=يا جانب أعوفه منين أطب ليه
أبدي من فدك من كسرت ألأضـــلاع=لو سَم النبي المــــــختار هاديهَ
لو من الجنين الطايح على الكاع=لوطبرت علي بالكــــوفه أنسيهَ
ابدي من الحسن والكربلاء أنروح=من حسين الغريب القصه نبديهَ
خل نفرض جدل هاجرفجعه اِلبين=حزنه على النبي اسماعيل ماذيهَ
نعم هاجر بجت شافت أثر للسـيف=ما شافت سبايه الضـــــيم عاليه
هاجر شافت ألآثار = ما وجت خيمه بنار
متعافي أبنـــــــــــــــــــه ورد عدل ليه
مصايب فاطمه من و ين أبديه
----------------------------
لاجن فاطمه شافت مُصاب حسين=صريع بكربله وعياله سابيـه
أدريبك يعاذل عالحجي تشكـــــل=تكلي هل روايه أمنــين ترويــه
ماتت فاطمه كبل السَبط بسنين=شلون أرض الطفوف الميت يلفيه
أكلك حاضره وشافت جروح البيه=بعيون العقيله أتشوف ندريه
العقبله تذكرت أحــــــداث يوم الباب=حين الشاهدة منحــور واليه
زينب باللطــفوف أتصـــوّرألأحــداث=مباشر تخـبر الزهره وتناديه
جسم حسين بالميدان = تسحكه خيل أبوسفيان
ولا واحد وكف والجثته يحميه
مصايب فاطمه من و ين أبديه
========
التفت للغري تحشم علي الكرار=أحضر يا علي للعايله حميه
عفا صبرك يبويه ماكلبت الكون=جفك يكلب العالي على واطيه
لأن سيفك يحيدر نزله المعـــــبود = ياسيف اليجـابل سيف باريه
كل منهم شهد بالخـندق شسويت=على باب الحصن عليت ساريه
لاجن استغلوا جلمة المخــــــتار= حين الكال أصبريا علي عليه
شيعتكم عهد تطــــيك يـا مولاي=تضل أنصار للـزهره وذراريـه
تضل تتنطرالموعود =ياساعه عليه يجود
أيجرد صارمه ويمــــــــــــــــلك نواصيه
مصايب فاطمه من و ين أبديه