30-01-2010, 11:40 PM | المشاركة رقم: 1 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
المنتدى :
احباب الحسين للشعر الحسيني
|
أصبحت مستشفى للإسلام وادي كربله (مكتوبه)
السلام عليكم أصبحت مستشفى للإسلام وادي كربله و الطبيب احسين للناس شبل عقد الوله يا مظلوم حسين يا مظلوم حسين ** اشلون مستشفى أبو اليمه صبح وادي الطفوف حكمة الناس و دواها و بيها عرش الله يطوف يا سفيه الراي اقصد كربله و جرب و شوف و التمسك بيها يبره و طيب ايرد الأهله * و الطبيب اللي يداوي الناس لو عارض عرض لابد اينشده اعله علته و لا بد ايجس النبض تربة احسين أبو اليمه مرهم الكل المرض و الدوه مجان عنده و يربح اليقصد إله * الله خص احسين بثلاثة خصال و شرفه مستجاب الدعه ابقبته لو دعه الداعي و لفه و جعل من نسله الأيمه و تربته بيها الشفه و مرمهم المالوم هيه و يحل دوم المشكله * بعد أبشرك يالموالي بالمراتب و الأجر ايزور رب السمه ابعرشه الزار قبر ابن الطهر ما عليه اذنوب تبقه لو طلع من القبر و الملائك تطلع اوياه و لهله اتوصله * تلقه زوار أبو اليمه اوجوها تزهي و تنور إبشر ابغفران ذنبك يالموالي بالسرور لو لفه الزاير و طب القبر أبو اليمه يزور احسين من داخل الشباج يقله يا هله * إنظر القبر أبو اليمه اشلون نوره مرتفع عاين المأتم و شوفه و القناديل التشع ما ثبت هالدين إله احسين و العشره وسبع و ابدمه نحره بنه الدين و سبي العايله * ور فع راية فخر للشيعه لعد يوم الحشر و أفده دون الدين نفسه و بذل للشيعه العمر لمن طاح اعله الوطيه و راحت اعياله يسر زينب اتنادي أخوها و الدمع دم انهمر خويه والله انفطر قلبي و العيال اموجله * يا حسين و يوم عنك رحنه يا عز الإسلام خويه من للتعب و الخوف اعيالك ما تنام و يوم طبينه يمظلوم لعد بلدة الشام طلعت الوادم و تتفرج علينه يا همام * قعدونه بالخرابه و اعتنت لينه هند غدت تتفرج علينه خويه يا ضامي الجبد جاعده اعله الكرسي يحسين و لعيالك تصد و آنه يا مظلوم قلبي عله امصابك ما يهد ريتني يحسين ميته و القلب مني انسله * صدت الزينب و قامت هند تنشدها و تقول من انين انتي جاوبتها مهجة الزهره البتول احنه من بيت الرساله و النبي جدنه الرسول قالت أرد أنشد على بيت الهده و بيت الأصول هاي مده ما شفت زينب و لا عقد الوله * حين سمعت منها زينب غدت تتهامل العين قامت اتنادي يخويه قوم صد لي يا حسين قالت الها ما تعرفينه و علينه تنشدين آنه زينب هاي اخت عباس و اخت السيدين
|
|
|