أطباق لذيذه منوعه

مطبخ احباب الحسين


إضافة رد
قديم 10-02-2013, 10:48 PM   المشاركة رقم: 1
معلومات العضو
محب الرسول

إحصائية العضو







 
 


التوقيت

التواجد والإتصالات
محب الرسول غير متواجد حالياً

المنتدى : مطبخ احباب الحسين
افتراضي أطباق لذيذه منوعه

السلام عليكم ورحمت الله وبركاته ..


"


( أطباق لــذيذه منوعه )












المقآاديـر :
دجاجة كاملة مقطعة 8 قطع
كوبين رز بسمتي
الخضار:</B> (2 طماط شرايح، بصلتين كبيرة مقطعة شرايح، ½ كوب بقدونس مفروم، ¼ كوب كزبرة مفرومة، بصل أخضر مفروم، شبنت مجفف،
فلفل أخضر حار مفروم، جزرتين مبشورة، حبتين بطاطس كبيرة مقشرة ومسلوقة نص، ملعقتين كبيرة زنجبيل طازج مفروم، 5 فصوص ثوم مفرومة، عصير ليمونة)
البهارات:</B> (توابل برياني هندية، كركم، كمون، بهارات حليم ماسالا "تلقينها مع البهارات الهندية"، ماجي وملح)
ملعقة كبيرة معجون طماط
علبة زبادي + كوب لبن
نص باكيت زبدة + زيت
صبغة الزعفران + ماي ورد

الطّريقـة :
نظفي الدجاجة واغسليها بماي وخل، تبليها بس ببهارات البرياني وشوية عصير ليمون وخليها ع جنب لين تقطعين الخضار ..
ذوبي الزبدة مع الزيت وحمري فيها البصل لين يذبل بدون مايتغير لونه، وبعدين ضيفي الطماط، الجزر، البصل الأخضر، الفلفل الحار وحركيه لين يذبل الطماط ..
حطي الثوم والزنجبيل والشبنت والكزبرة والبقدونس وعصير الليمونة ومعجون الطماط ..
اخلطي الزبادي واللبن بالخلاط لين يتجانس "عشان مايتكتل بعدين" وضيفيه ع الخضار واخلطي معاه كل البهارات ..
ضيفي الدجاجة واذا حسيتيه ناشف زيدي شوي لبن لين تتغطى الدجاجة، وخليه ع الفرن لين تنضج الدجاجة ..
آخر شي ضيفي البطاطس "لأنه تقريبا مستوي يعني مايحتاج وقت" ..
الحين اغسلي الرز وعقب اسلقيه بماي مع ملح وزيت وماجي ..
واذا استوى شيليه من الماي وخليه يتصفى ..
في جدر (قدر) حطي شوية زيت وبعدين نص كمية الرز، وفوقها الدجاج وبعدين النص الثاني من الرز ..
وآخر شي اخلطي صبغة الزعفران مع شوية ماي ورد وصبيه ع الرز من فوق وخليه ع نار هادية لين ينشف ويستوي ..


و بـ العافية ..








المقآديـر:
6 حبات كوسا مفرغة
1 ونص كوب رز مصري مغسول
حبتين طماط مفرومة، بصلتين مفرومة
3 فصوص ثوم مفرومة، بقدونس مفروم، شبنت مفروم
3 م.ك دبس رمان، 1 م.ك صلصة صويا، نص علبة معجون طماط، ½ كوب عصير ليمون، زيت زيتون
ماجي، ملح وبهارات "كمون، كركم، قرفة، كاري، كزبرة، فلفل أسود"
الصلصة:</B>
4 حبات طماط كبيرة + علبة معجون طماط + فصين ثوم + ¼ كوب زيت زيتون + كوب ماي + كوب عصير ليمون
مكعب ماجي + ملح + كركم وكمون

الطّريقـة:
حمري البصل مع شوي زيت لين يذبل، وبعدين ضيفي الثوم والطماط والبقدونس والشبنت ..
ضيفي كل المقادير "ماعدا الرز" واخلطيها زين ..
ضيفي الرز واخلطيه معاهم دقيقتين وارفعيه عن الفرن ..
الصلصة: اخلطي الطماط، المعجون، الثوم، زيت الزيتون، الماي، الليمون بالخلاط
بعدين حطيهم ع الفرن لين تغلي وضيفي الماجي والملح والبهارات وارفعيها ..
في جدر (قدر) صبي شوي صلصة وبعدين حطي الكوسا وبعدين باقي الصلصة وزيدي ماي لين تتغطى الكوسا ..
وحاولي ماتخلينها تنشف وقت الطبخ، يعني كل 10 دقايق شوفيها واذا نشفت زيدي ماي لين تستوي ..


و بـ العآفية ..







المقآديـر:
كوبين مكرونه
1 صدر دجاج مقطع شرايح رفيعة (فيليه) ومتبل بـ:
"عصير ليمونة، ملعقة كبيرة صلصة صويا، ملعقتين كبيرة خل بالسميك، بزار دجاج، كركم، كاري، ملح وفلفل أسود"
بصلة مفرومة + فصين ثوم مفروم + طماطة مفرومة + شبنت مفروم + فلفل أخضر حار مقطع صغاار
1 قشطة + علبة جبنة شيدر صفرا صغيرة مبشورة + نص كوب جبنة موزاريلا مبشورة

الطّريقـة:
اسلقي المكرونة مع مكعب ماجي + ملح + زيت ..
حمري البصل مع شوية زيت، وبعدين ضيفي الطماط، الثوم، الفلفل الحار، والشبنت ..
حطي الدجاج "مع الصلصة اللي منقعته فيه" على البصل وضيفي القشطة ..
وكل شوي زيدي ماي لين يستوي الدجاج ..
بعد ماينضج الدجاج حطي المكرونة + الجبن وحركيه شوي لين يذوب الجبن بعدين قدميه ..

و بـ العآفية ..







المقآديـر:
العجينة:</B>
كوبين طحين، ملعقتين كبيرة حليب بودرة، ملعقة كبيرة خميرة
3 ملاعق كبيرة ماي، علبة زبادي، ¼ كوب زيت
ملعقة كبيرة سكر + ملعقة صغيرة ملح
الحشوة:</B>
صدر دجاج مسلوق مع ماجي وملح ومفتت
بصلة مفرومة + فصين ثوم مفرومة + بقدونس مفروم + عصير ليمونة حاامضة
ملح، فلفل أسود، كركم، كمون، بزار دجاج
الصلصة:</B>
ربع كوب جبن سايل + رشة أوريغانو + شوي حليب سايل
- حليب سايل + سمسم
الطريقة:
اخلطي مقادير العجينة مع بعض "لازم تكون كلها بحرارة الغرفة" وغطيها وخليها تتخمر ..
جهزي الحشوة: حمري البصل والثوم بعدين الدجاج وباقي المقادير ..
الصلصة: بالمايكروويف أو ع الفرن اخلطي الجبن مع الحليب والأوريغانو لين يغلي بعدين ارفعيه ..
بعد ما تتخمر العجينة، خذي شوي واحشيها وكوريها وصفيها بصينية مدهونة ومرشوشة طحين، لين تخلصين الكمية كلها ..
بعدين ادهني العجين بشوي حليب سايل ورشي سمسم "تقدرين تحطين بيض بدل الحليب بس انا ما أحبه تصير زفرة" ..
دخليها الفرن من تحت وبعدين من فوق تحمر، وقبل التقديم زينيها بالصلصة ..


و بـ العآفيـة ..




بحفظ الله ورعايته ..












عرض البوم صور محب الرسول   رد مع اقتباس
قديم 11-02-2013, 10:47 AM   المشاركة رقم: 2
معلومات العضو
** خـادم العبـاس **
 
الصورة الرمزية ** خـادم العبـاس **

إحصائية العضو







 
 


التوقيت

التواجد والإتصالات
** خـادم العبـاس ** غير متواجد حالياً

كاتب الموضوع : محب الرسول المنتدى : مطبخ احباب الحسين
افتراضي

سلمت يداكــ بما كتبتــ لنا هنا
بانتظار جديد قلمكــ الفياض والمبدع
باحاسيس جميلة ورائعة
وبانتظار ابداعاتكــ المتميزة
الف تحية لك












توقيع : ** خـادم العبـاس **

عرض البوم صور ** خـادم العبـاس **   رد مع اقتباس
قديم 11-02-2013, 12:42 PM   المشاركة رقم: 3
معلومات العضو
حسينية فاطمية

إحصائية العضو







 
 


التوقيت

التواجد والإتصالات
حسينية فاطمية غير متواجد حالياً

كاتب الموضوع : محب الرسول المنتدى : مطبخ احباب الحسين
افتراضي

مشكور ياغالي وحياك الله ... نرتقب جديدك بشغف ... تقديري












عرض البوم صور حسينية فاطمية   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
أطباق متنوعة ج‘ـنٌوٌنْ ! مطبخ احباب الحسين 4 30-07-2012 10:16 PM
أطباق متنوعة و شهية ج‘ـنٌوٌنْ ! مطبخ احباب الحسين 4 30-07-2012 06:42 AM
سندويشأإأت لذيذه يمي يمي كوثر المحبة مطبخ احباب الحسين 1 04-07-2010 01:56 AM
موديلات جميلة من أطباق المطبخ تتناغم بألوان مميزة ,, نور المستوحشين مطبخ احباب الحسين 0 31-03-2010 01:19 AM
أطباق رز عجيبة كوثر المحبة احباب الحسين للعجائب والغرائب 6 09-01-2010 09:15 PM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين