قصيدة (يا مهر الحسين)

[عبدالله الشاعر]

الله يساعدك يامهر الحسين..... الله شاهد باطل اللامك
اصيل انته من خيل الرسول..... اريد احجي وياك فاهم كلامك
بحلكك ماحطيت كطرة ماي..... اعيونك تصد لحسين كدامك
ايجيب المضره الحجي وي الظلام...... وياك الحجي يعلمني افهامك
انت احسن من كوم الحاربوه..... تعرف زين خيالك امامك
حرام اقارن الظلام بيك...... كلهم يرحون فدوه لحزامك
انته ماعفت حسين لحظه....... تعرف زين طاح احرامك
برجلك تدك وادور لحسين....... لطخت ناصيتك بدمه لخيامك
للميدان ارجعت ومعلي الصهيل...... ارجعت للخيمه اتحشم اعمامك
ماظل بالخيمه احد يااصيل....... زينب هاي اتنوح جدامك
للميدان ارجعت بالحال....... معلي الصهيل وسلاحك اجدامك
للميدان ارجعت تحمي حسين...... ! فدوه انروح لحسين و فدوه للهامك


بقلمي عبدالله الشاعر

من مواضيع عبدالله الشاعر

» قصيدة ( زينب والعيال )
» قصيدة(عشق الحسين)
» قصيدة ( حبك دلانه اعله الخالق ) ( عكيلي )
» قصيدة(يالورثت المرتضى وشايل خصاله)
» ابوذيات(يموسى ياجبل والباري سمّاك)