******************
بالسقيفه خالفو نهج الرســـول
خططو للغاضريه وكل فصــول
وابتدت ساعة صفرهم بالبتول
ثبتو ركن الخلافه بالدمـــــــه
************
قدمو لاعمالهم اقبـــــــح عذر
والنظام الداخلي اهدافه الغدر
كل مواد البيه مطويه بمــــكر
دونو لرهاب ابشع ملـــــحمه
**************
تركو السنه واحاديث النبي
وخططو للغاضريه وللسبي
بفاطمه هاذي الرزيه تبتدي
الله يلعن هالعصابه المجرمه
****************
ناس ماعدهم ضمير ولا وفـــه
خانو اعهود الرسول المصطفه
نهبو الميراث كله الخــــــــلّفه
وصادرو حق الوصي حامي الحمه
*********************
بطيحة الهادي صفت بس الجروح
وما رضو تحزن عليه ولو تنـــوح
ريحة الاحقــــــاد من عدهم تفوح
وكل ضمايرهم خبيثه مســـــممه
*************************
حاصرو دار الرساله بالســــــيوف
ورعبو الحره الزجيه وطبهه خوف
اذياب اجت يم بابهه وظلت تطوف
كلهه بقناع الغدر متلثمـــــــــــــه
************************
تبت ايدين الذي وج الغضــــب
وتبت ايدين الجمع ذاكه الحطب
واحركو باب البتول بلا سبـــب
وتبت ايده الظالم اللي حطمه
*********************
الدار من كثر اللهب متحاصـــره
وكسر البسمار ضلع الطاهـــــــره
ظلت بهمهه والمهه حــــــــــــايره
تشوف كل الدنيه صارت مظلمه
***************
من دمه تبجي البتول اتهل دمــوع
ذابت بكثر الهضـــــم مثل الشموع
من الوجع كامت تون كل الضلوع
وماتت بكسر الضــــــــــلع متألمه
**************************
تحملت حور وظلم هالناصــــــبين
ذوله مله بلا عرف وبلايـــــه دين
ماتت وظل الغضب عالظالمـــــــين
من اجلهه ناحت املاك الســــــمه