بسم الله الرحمن الرحيم
اللهم صل على محمد وال محمد
موشح بعنوان نبراس الحسين عليه السلام
حسين نهج الباري والحق المبين**وين مثلك كلي نلكه ياحسين
******************
أنـــــــــــت قران ونزف في كربله
والســـور دم الكفيل ايمثـــــــــــــله
والصحابه آيات دمهه محمله
وانته منهاج ودرس للعارفين
************************
انت خامس نور من اهل الكساء
وانت ابن سيد البــــــــشر والانبياء
مطرت ادموم بمصابك هالســــــماء
والعرش لجـــــــــلك يبو اليمه حزين
*************************
حزو النحر المقدس بالســــــــــــيوف
ونزلت املاك السمه يمك تــــــــطوف
عين تنظر ليك عين اعله الجــفوف
وزرعت بطف كربله نوح وحــــــــنين
********************************
داست اعليك بحوافرها الخـــــــــيول
وكسرو ضلعك مثل زهره الــــــبتول
رادو تضيع الرســـــــــــاله لو تزول
وخابت اهداف وظنون الظالمين
*********************
نقسم بدمك يــــقران الجـــــــــــــــــليل
ونقسم بدم الصحابه والكــــــــــــفيل
نبقه نمشي بهالدرب لاما نــــــميل
ونبقه خدام بشرف للـــــــــــطاهرين
***************************
نقسم بضلع البتول الطــــــــــــــــاهره
والعقيله اللي خذوهه ميســـــــــــــــره
احنه ماهمنه نزفنه اللــــــــــــي جره
وماتخوفنه ســــــــــــيوف الناصبين
*************************
انت مصبــــــاح العقيده والـــــــــــــهده
كلنه لجلك ســـــــيدي نصــــــــبح فده
وابد مانخــــــشه النواصب والــــــــعده
بحبك وحب الكفيـــــــــــــــــل محزمين
*********************