العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


مجلس لأم البنين عليها السلام

احباب الحسين للشعر الشعبي


إضافة رد
قديم 18-12-2014, 08:53 AM   المشاركة رقم: 1
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

المنتدى : احباب الحسين للشعر الشعبي
مجلس لأم البنين عليها السلام


(( ياحيدرأجبر خاطرها))

****----------------------****

أم البنيـــن أنوادعها أبهذا اليوم

أتناديكم وين اليسمعها أبهذا اليوم

ابهاي الشده الكل تحضرها

ياحيدر أجبر خاطـــــــرها أبهذا اليوم

******************************

أبيقيني أم البنين أنتــــه مناسيها**أظنَّك حاضـــر أبشدتها توفيها

مثل الزهره تحضرها وتداريها**ودموعـك غُسله اليبجن عليها

وبطيب جفوفك تحضنها أيهذا اليوم

للوفت أنته التدفنهــــــــا أبهذا اليوم

أتحس أو تدرك ناطرها

----------------------

أم أو حكها تنشـد لمت الاولاد **تشوف الدار وحشه وعن العين أبعاد

الربه مجازاته ألها بكل وكت ** ينراد تدير العيــن تتمنَّه الوكت ينعاد

تريدك يابو القاسم يمها أبهذا اليوم

وحسين أتشمه ويشمها أبهذااليوم

أورايه أو جفين أتباصرها

-----------------------

ياذخر المودَّه أوّفه الشيب الراس **حزنها دموع هيَّج جممرة الاحساس

مثلها صــابره ماشفنه بين الناس **ضحَّت بالنجوم وبالكمــــــــر عباس

براية عباس أتغطوهـــــــــــــا ابهذا اليوم

أعله أجفوف الرحمه أتشيلوها أبهذا اليوم

أبرحله مارد أمسافرها

--------------------

هيَّه العاذره وتدري الزمن خوّان **عاشت يوم هم أبضربة ألايمــــان

طشت شافته بوذرات الجبد مليان **حزنهاحسين أسمه مشابك التربان

للموت أوياها دمعتها أبهذا اليوم

وجروح حسين أمشيعتها أبهذا اليوم

صعبه أعله الدنيه تخسرها

------------------------

الشمس أتغيب عن الدنيه ماتظهر**الكمرعالليل نوره من الحــــزن أثر

وظل كلب الموالي أبآه يتحسَّـــر **طوه جروحه وهمومه ودمعه يتفجَّر

بــــــــاب الماردت من دكها أبهذا اليوم

ومن تدعي الله بحبها أوحكها أبهذا اليوم

لاتتعذّر لتأخرها

------------------



(( أم البنين))

*--------*

تبقى لنا أم البنين عطــــــاء

ام الحسين وهيَ باب رجاء

*********

يلتنخاها بصافي النيّه من أوّل دكه اعله الباب

أكصدها وحلفها بحبه لحسين وكلبه المنصاب

من عدها لا متعودنـه من عالباب أترد طلآّب

تاخذها بأيدك لبشاره كلمن ينخاهـــــا ماخاب

تكشف الضّر عنك والبلاء

----------

واجب مفروض أنقدّرها هاي الرحمــه الفذّه القدوه

بأربع كرّة عين أتضحّي لبدنياهــــا جانــوا ســــلوه

عبد الله وعثمان وجعفر وعباس أجمل معنه الخوَّه

فخر أم حسين أناديهــا من فركــــــاه تتصبّر كوَّه

ياخير أماً قلبها اصفاء

----------

تعيش وياها أيام المحنه المرّت بيها وماننساهـــا

نصبر نتعلّم من عدهـــا نذكر كل موقف ويّاهـــا

الاربع اجساد المنحوره بجف عباس أتعلَّه لواها

ماذلّت راس وما طخّت ام البنيــــن البلواهــــــا

وهكذا منها أبتدى الولاء

******************

ضعن الهواشم من رجـع لارض المدينه أتلكتـــه

أحجيلي يابشر الخبـــــــر تصب الدمع من نشدته

وساها بغياب أربعـــــــه عنهم أبد ماسألتــــــــــه

ويَ حسين خبّرني شجره هم كصَروا عن نصرته

ياليتني كنت أنــــا فداء

---------

ون الكلب نوحـــــــــه بده لدموم صب من الجفن

من عرفت حسين أنذبــــح وثلث ليالي بلا دفــــن

ظلت تنوح ويَ الصبــــــر والصبر ويّاها يـــون

بيــاكلب لمثلــث نبــــــــت أمَّ وكلبهــــــــا منطعن

بكت دما من أجلها السماء

---------

جم آه وحزن من آلامـه جم حسره تندب واليهـــــا

أرسوم كبور أتصوِّرها من أرض الطف وتسمّيها

لاجن كبر بعيد أترسمه تشكي المُر المَر عليهـــــا

يبن الزهره ويبني أتكلّه ماتحله الدنيه أنظل بيهـــا

وهكذا لفاطــــــم الوفاء

***********************



((ياضعن المجبلين)) *

*-----------*

ياضعن المجبلين // اولادي الميامين

هم كصّروا دون حسين

لو بالـــــدم وفو لحسين

----------------------

سولف يابشر عن خبر يفرحني

سرور بكلبي يدخل لا لتجرحني

آنه أفرح من أتكلّي وتصارحني

بس لتكول قصورا والله تذبجني

حسين الكلب والروح

لسمه فدايه نـــــروح // بوسط الميادين

*-------------*

ياأم البنين الزلــــــــم رفعت راس

احدهم أشد من الجبـــــــل ينقاس

أسود عله المخيم للضعن حرّاس

وخبرج عن جفوفه أوكفت العباس

سهام العطش والحر

من صابت المنحــر // عله الغبره مطاعين

*---------------*

آنه الجنت أربّيهم ذخـــــــر لليوم

مو لسنين شيبي النصرت المظلوم

الموت عله الخلك أمقدّر ومحتوم

الموت وياه هنياله ألأله مقســـوم

أريده اليوم وفــاي

خل مايهجع بجاي // لحسين القرابين

*--------------*

راح وروحي أخذها وياه تدعيله

وظل سهرانه ويَّه الليل أرويله

دليلي أنصاب لمَّن صابوا دليله

أنا أولدي فدايه الكل نضحّيله

مارد وطعن روحي

زيَّد ونّتي ونوحــي // فدوه الكرة العين

*-----------------*

نذرنه أرواحنه الخمت ابو السجاد

تظل مصيبته وسط الكلب تنعاد

العين بيضّت عليك وعزايــه زاد

غاب ومارجع والدمع منّي شفاد

لمَّن خابت ظنوني

خلّي يعمن عيوني // اظل بالنوح لسنين

****************************


ياأم الكمر

*****************

ضحّتي يا أم الكمر ضحّتي الضلع الزجيَّه المنكسر وفّيتي

للجبد والمحراب**ظل الدمع سجّاب

---------------

عالراحو الله يعين صبره الكلبج

سهام الزمن الصاب بيهن جبدج

هذي علامـــات الوفه من طبعج

الجبـــل لاوالله ميضبر صبرج

مهظومه ظل كلبج يتانيه يعود**وفّاها بالطف كل هذيج لوعود

ما ترجع الغيّاب

----------------

ناعي المصيبه من وصل بأخباره

من عنده ردّتي تسمعين بشـــــاره

عن البطـــــــــــل سولفلج وبتَّاره

صوبين خلآها الزلم طشّـــــــاره

جازوارباج بروح وبجف وعين** هذا الوفه ألأم الحسن ولحسين

ولعلي داحي الباب

----------------

جان الكمر خــــــدر وستر للحره

غايته كلب أخته يفرحـــــه أيسرَّه

حاضر يكلها ألأمرج وتحت أمره

تلوذ الحراير وألأيتــــــــام بستره

شمَّر يمنته من وصل جرف الماي **الجفين تشهد أله اليوم الوفاي

ياجرح منَّه طاب

***************

ويَّه المنيَّــــــه تــــــلآوه عباس اليوم

وصولة يمينــــــه من يردها الجيدوم

بجفوفــه كف عن زينب هواي هموم

لمَّن هوَ أتلكاه حضن الزهره **دمعت فرح خليها تجري العبره

بالعمد راسه أنصاب

-----------

لعيون ظلَّت ناطــــــــــــره دربه يعود

شابك على صدره الضمه وماي الجود

كلب العطاشـــــــــــه أمأمله يرد ردود

روحــــه نذرها الاقصى غايات الجود

الربه ماضـــــــاع وسهر أيامج **يم البنين أتحققت أحلامج **حكه الكلب لو ذاب

******************













عرض البوم صور خالد محمد مهدي الحجار   رد مع اقتباس
قديم 12-01-2015, 10:16 PM   المشاركة رقم: 2
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وال محمد وعجل فرجهم ياكريم
بارك الله فيك وجزاك الله خيرا
وجعله الله في ميزان حسناتك












توقيع : عاشقة ام الحسنين

عرض البوم صور عاشقة ام الحسنين   رد مع اقتباس
قديم 13-01-2015, 10:26 AM   المشاركة رقم: 3
معلومات العضو
احزان كربلاء

إحصائية العضو







 
 


التوقيت

التواجد والإتصالات
احزان كربلاء غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

جزاك الله الف خير
تقبل الله منا ومنكم صالح الاعمال












عرض البوم صور احزان كربلاء   رد مع اقتباس
قديم 28-08-2015, 12:26 AM   المشاركة رقم: 4
معلومات العضو
الشاعر سلام الكَريزي

إحصائية العضو







 
 


التوقيت

التواجد والإتصالات
الشاعر سلام الكَريزي غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

عليهما السلامعليها السلام












عرض البوم صور الشاعر سلام الكَريزي   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
ام البنين عليها السلام نجمة البصره احباب الحسين للشعر الحسيني 4 24-11-2013 11:00 AM
لا تقل / وقل .. في أم البنين عليها السلام نور الزهراء منتدى السيدة أم البنين (سلام الله عليها) 9 28-09-2013 03:03 PM
لا تقل / وقل .. في أم البنين عليها السلام نور عيني فاطمه منتدى السيدة أم البنين (سلام الله عليها) 6 03-05-2012 02:07 PM
لام البنين (عليها السلام) الاء القريشي احباب الحسين للشعر الحسيني 1 12-04-2010 06:26 PM
مجلس عزاء مولاتنا أم البنين عليها السلام محـب الحسين أفراح وأحزان أهل البيت(عليهم السلام) 4 26-06-2009 11:10 AM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين