ابنك منصاب----يا داحي الباب
شنهي الاسباب---اعتب عتاب
نذكر حيدر يوم العاشر وبالطبره
نواسي ابنه ونعزي فاطمه الزهره
جبين حسين شمس قامتنه الحمره
ولوعة حيدر باكفان الحيدر جمره
ابنك منصاب
يا داحي الباب
اريد اكتب واوصي شيعة الزهره
العطش عنوان لهاالشهر وسمره
نسهر بالليالي والماي نذكره بكثره
من نشرب يزيد انعله مو مرة الف مرة
قانون انكتب على الكون وانخط بالدمه حبره
زينب كتبته وقلب فاطم يحفظه وينصره
كلما يحكمنه يزيد هالقانون ينفرض امره
باب خيبر يقلعه واللعنات قفله تكسره
روح وين ما تروح ترجع للحسين اتذكره
ودمعتك يرجع اصلها كرامة حسين وسره
ابنك منصاب
يا داحي الباب
يا حيدر تدري هالطغمه اشسوت
كتلت ويوم العاشر فرحت احتفلت
حلاوة باسم عاشور خلقت اخترعت
وصامت تتشفى ابحسين وما صلت
حقدها لون سننها واحكام ابتدعت
او وراها عميان العرب جت اتبعت
تحدت علم حيدر وبابنه تتشمت
تدعي حب الاصحاب
وللنصب تكتب اكتاب
حزنه ينكتب بسيوف العاشر
قصايد للمحب والساهر الناظر
ما تصبر الهامات والسيف مو صابر
تتنطره شهر احمر والكفن شاعر
حبيبي احسين ابدمي اكتبها فاخر
ويوم القيامة اسمي يتسجل اله ناصر
ويا الاحباب
دمي منساب