مسلسل دارميات(روحي علفكَد احسين)(ع)

[عبدالله الشاعر]

:65::55555"::65:
دارميات
ــــــــــــ
روحي علفكَد احسين ماتشرب الماي
اذكر رضيع احسين وتشتعل نار اجلاي
*********
روحي علفكَد احسين ماعافت النوح
وللعليل اتشوف اليوم وي عمته اينوح
*********
روحي علفكَد احسين تلطم الخدين
وزينب الزهرة هاي وتهمل العين
*********
روحي علفكَد احسين ماعافت الهم
ولصياح الاطفال اليوم بس اسجب الدم
*********
روحي علفكَد احسين نامت بالطفوف
وهاذه جسم العباس جاوين الجفوف
*********
روحي علفكَد احسين ماعافت الون
ولصياح مهر احسين اعيوني عمن
*********
روحي علفكَد احسين ماسكتت اتلوع
تذكر راس احسين فوك الرمح مرفوع
*********
روحي علفكَد احسين ماتقبل اتنام
مااذكره نامت يوم من نار الخيام
*********
روحي علفكَد احسين نامت بالاشموس
جلد وعظم ظليت من حركَت الروس
:65:ــــــــــــــــــــــــــــــ:65:
بقلمي خادم اهل البيت:as:
(عبدالله الشاعر)

من مواضيع عبدالله الشاعر

» قصيدة ( زينب والعيال )
» قصيدة(عشق الحسين)
» قصيدة ( حبك دلانه اعله الخالق ) ( عكيلي )
» قصيدة(يالورثت المرتضى وشايل خصاله)
» ابوذيات(يموسى ياجبل والباري سمّاك)