مولانا وسيدنا الامام الرضا (( حبك يمعصوم)
******************************
الدنيه لو نار ولظه ** أيسكٍّنها ݘفك يالرضا
حبك يمعصوم ** يجليها لهموم
*****************
أنزورأنتعنّه نگصد الصيوانك
باب الگلب فاتحها وكل بيبانك
أنته الغريب المبعـــده أوطانك
بأرواحنه تبقه تعيش احزانـــك
تنادي يزاير حاجتــك // تنگظي أبلحظة وگفتك
** أبحضرة المسموم
**************
لجلك الزاير عاف أهله وداره
ماهمّه كـــــل ذاك التعب بأسفاره
بالدنيه وبيوم المنيّه بشـــــاره
أتشوف المودّه بالحشر خطّـــاره
گلبه لجل صحنك سرج// ومن فيض نورك ابتهج
** ماهمّه كل لوم
***********
بدربك الخطوه من خطاها لرضاك
لمّن وصل ينخه دخيلك وحمـــاك
صوره بخياله رسم گاعد ويــــــاك
بصوت الضمير ومهجته يترجاك
بجاهك يمولانه الرجه // مذنب ويـم دارك أجه
**تمحيها أله اليوم
****************
يشكي البعد هاي المسافه عله العين
كل لحظه مرت عاليحبك دهرين
من نار شوگه دمعته اعله الخديـن
ألشبّاݘك أتشابگه شوكت الݘفيــن
لزيارتك شوك وصبر // هوّشبقه ألنه من العمر
**ابلهفة المفطوم
****************
عنّك بعدنه الظيم من بعدنــــه
ننحرم منّك ياامامي وعدنـــه
تتعنّه منَّه أرواح صحنك ودنه
بزيارتك ياسيدي أوعدنــــــه
ننخاك كلنه من البعد // لزيارتك نسعه نجـــد
**ولايبقه محروم
****************************
(( ساكن طوس لبعيده ))
*******************
ساكن طوس لبعيده **ودنّه أنجدده أنعيده
يرف بجناحه يوصلّه**شوك الگلب يندلّه
**************
صح بعيد لكــــــــن عالگلب اگرب **علمتنه غربته نركب الاصعب
من طبـــــــع اليحب باليحب يتعذّب **لاتسأل حكيم اسأله من جرّب
هوينه الآه والحسره
أولذّة ݘويـــة الجمره
محبوبي منو مثله
**********
بالله عليك يازاير ادعيلـــــــــــــي **ويم شبّاݘه أوصف لوعة دليلي
أماني زيارته بالروح ترويلـــــــي **أوياها اگعد وأسمع عنّه ترويلـي
شوف الزاير أشحصّل
أول ما أله يوصــــــل
أبُّشره أيعود يم اهله
*********
مضيف الجنّه بصحونه وخدم زوار **همّه الضيف والزايرأبــــــو للدار
يحس بروحه طير أيطير عالاشجـار**ومن فيض الكرامه والـكرم يختار
العوده منّه يترجَّــــه
دمعته تسيلها المهجه
والصعبه عليه سهله
******
نصيحه ألك يـل ماعنـــــــدك القدره **بنيّه صافيه توجه على گبـــره
سلّم تحّس روحك انتـــــه بالحضره **مس شبّاجه وتمنّه آطلب البُشره
أمامي أمروّتك ݘاره
سهل أمر لزيــــــاره
يمك مشكلي حلّه
***********
ماخانك أمين الأمنت عنــــــــــده **وله أتأمن الخان وما وفه بوعده
من هارون هل المأمون كل حقده **أمير شلون من طه على عهـــده
أبأيده صنـــع لسموم
الك يالرضا هل يوم
تتمدد عله القبله
*************************************************
(( امير طوس )) عليه السلام
************
اميري بطوس رب النور خلاّه **ابلهفه اگلوبنه تسعه اعله ملگاه
امامي واجب الطاعه نزوره
هنيّاله الاخذ من فيض نوره
*******************
اركان العباده ألحق شرطها
الباري گلوبنه بودَّه ربطها
كل ذنوبنه محبته تحطها
ودعوانه على بابه نحطهـــا
بعيون الموالي گريب يمّــه // اسمه من يذكره انجله همّه
**** ويشعر بالامان الدخل سوره
**** هنيّالّه الاخذ من فيض نوره
*********
متعوّد عله غربتــه بصبره
بالآه انمله لوعـــات صدره
متوّطن من المأمون غدره
لو سم جبدته لو گطع نحره
الزاره بغربته وعارف أبجاهـا // لمنازع الروح أبوٍّد أجاهـــــــا
****وعينه تشوف بالشده سروره
**** هنيّاله الاخذ من فيض نوره
*************
الفرق مابين غربه وبين غربه
حضرت دفنته الشيعه التحبّه
وجده حسين من أنصاب گلبه
عله التربان جثّـــه بگه أمسلبّه
ثلاث ليالي ظلّت عالوطيــــــــه // سليب وظامي بأرض الغاضريه
****قربانه بقت عالثره منحوره
****هنيّاله الاخذ من فيض نوره
*****************
مثل هارون والكاظــــــــم اخباره
جند العسل والســــم لفت داره
شخصه من حواه وحتوه اســراره
حتـه العدو أيعينه من أستجاره
عرف خطّارجاي وجايب الموت // أمحضّر ݘفنه ومحضّـــر التابوت
****والسم رسم لمصيبته الصوره
****هنيّاله الاخذ من فيض نوره
**************
بسهام ومرار وسيف وســموم
ݘبد وگلب يهل البيت مهظوم
تعيشون الألم كل ساع كل يوم
خل تعرف العالم منو المظلوم
مشاهدكم علامات الوفي الحر // ضميري وگلبي لمحبتكـم أيقر
****كل معصوم أله من النبي دوره
****هنيّاله الاخـــــذ من فيض نوره
************************************************** ********
المواضيع المتشابهه
مجلس الامام الرضا عليه السلام
العرض العادي
