لسان حال رمله مع ولدها القاسم عليهما السلام
((عيني تهلهل دموع))
((تم كتابتها بتاريخ 2014/10/26
*******
التمسكم الدعاء
*********
‘‘ عيوني تهلهل دموع))
********
يبني الروح أخذهه الحومه ويّاك // بعدك شلّي بيهه
تلبس ثوب أسود يمَّه بجفاك // أذا مترد عليهه
كَلبي يبقه مفجوع
عيوني تهلل دموع
************
يجسام العمر ليل أسود أيطول // لوماجيت يمّي
خيمت عرسك أنصبهه ممعقول // من لوعتي وهمّي
أدلل عليَّه آمر وكَول // يبعد الروح وأسمي
يمن فدوه عله هاي الهيبه والطول // مو فوَّرة دمّي
ترد للخيمه وفرح يمَّه لوجيت == يافرحة زماني
أظل بأنتظارك صبري ملّيت // عليك شكد اعاني
بدمعي أعلك شموع
عيوني تهلل دموع
************
عله رمال الطفوف أرسم جفوفك // والحنَّه دمعتي
أباب الخيمه أتلكَّه ضيوفك // تصافحهم مهجتي
شتظن من عفتني آني أعوفك // بغربه وبوحدتي
أنه يوميَّه أسلوف وي طيوفك // بغيابك عذبتني
بيَّه أشحسَّبت آ يالوديعه = = هذا حال همَّك
أمودَّع روح رد جثَّه صريعه = = لجل عيون عمَّك
مكانك بين لضلوع
عيوني تهلل دموع
************
أريد أكتب بنوحي فوك لغيوم // القاسم راح منّي
قصَّة فاكَده تقراهه لنجوم // وتون أويه ونّي
أحسن راح عنّي الحسن هاليوم // من بعدت عنّي
صواني شموع عرسك آ يمظلوم // مافرِّحن ظني
لون الحنَّه دم صار بغيابك = = ما ترجع وحنّيك
للجنَّه مشيت وظل عذابك = = يامحلآهه أراضيك
روحي تلوج وتلوع
عيوني تهلل دموع
************
الحزن مكتوب ألي يمَّه وعدله // بعدد أيامي عمري
والمقسوم ياضنوه شيبدله // مفروض أعله دهري
عن كَلبي تروح وماتردله // أظلم صار فجري
بعدك يافرح عمري شبعدله // عايش ويَّه صبري
بيَّه مابكَه لاحيل لاروح = = الصبرأمّين أجيبه
من أحسب وعد جم جرح مجروح == ياجرح أله طيبه
أسجد لله بخشوع
عيوني تهلل دموع
************
خلّيني يجاسم أسهر الليل // حلمي بأنتظارك
عليك أنحنه ظهري أتهدَّم الحيل // وتجوّيني نارك
بعدهه بخيمتك لبخور والهيل // ياعرس لمبارك
صارت زفّتك لسيوف والخيل // والكل بيهه شارك
هاي أعدانه ماترحم الشبان == مارحمة شبابك
ولاترحم نسه وفحطة الرضعان == يالوعة مصابك
جرح بالروح مطبوع
عيوني تهلل دموع
************
المواضيع المتشابهه
العرض العادي
