العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


ليالي العشر الاولى شهر الاحزان /3+4

احباب الحسين للشعر الشعبي


إضافة رد
قديم 21-10-2014, 11:23 AM   المشاركة رقم: 1
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

المنتدى : احباب الحسين للشعر الشعبي
ليالي العشر الاولى شهر الاحزان /3+4


آه ياليلة الثالث // شهر الاحزان

***********

أمودّع الله يالحبايب راح تنسون العليلــــــــــه

أبقه وحدي بظيم عمري عاجزه ومابيدي حيله

تفارك عيونـــي المودَّه تغيب أيامي الجميلــــه

وصدري مملي بحزن لوعه من الجرح يشكي دليله

عالغياب الجرح يكبر // حالي تعبان

************

عود هم من علتي أبره وتنتهي حسرات صدري

الياوكت أصبر وعاني دمعي يبجي ويَّه صبري

بويه يمَّك آنـــي أريدن أنتـــه نورعيون فجــري

ماأصدّك وحدي أظلَّن عكَب عينك شلي بعمري

مجاني خالي أويه الضعينه // صفه حيران

***********

ليل همّي بطولـــــه أسهر والنجم خلَّصت عدَّه

عله درب الرجعه عيني أمناطره هم ألك ردَّه

ترجع بحسره ظنونــــــي ابغيبتك طالت المدَّه

الدهر فوك المراره لوعـــه لوعـــــه وماتهدَّه

دمعتي تواسيني ونحب // شوكَي عطشان

************


تدري يابو اليمه كَلبي يلوج مايهده أبد نوحـــه

من هلي ماظلّي واحد أيداوي ويضمّد جروحه

وين ظل فيَّك حنانك وشمسك الحلوه الصبوحه

من يرد الروح بيَّــه ومن يـرد للكَلب روحــــه

راح أظل كلساع أموتن // دمعي نيران

**************

أبقه أناطر خبر منَّك يوصل أيطمّن ظنوني

وين جفَّك غاب عنّي يمسح بدمعت عيوني

أبقه أصبَّر حالي ترجع وأفرح أباجر تجوني

هذا آخــر رجه أتمنّه لاجن أيامي عمونـــــي

علّتي ماألهه طيبه // ربي ألي عـان

****************************************
آه ياليلة الرابع // شهر الاحزان

**********

يبني لمَّن ودعتنــي بليــل لمفارك أعانــــــي

خادمه وياك أخذنـــي لاتخلّينــــــــي بمجاني

هاك أولادي اربعتهم ألك جف نخوه بزماني

مآنه أمَّك وانته تدري روحي ألك شوكي حناني

يمَّه أخذ روحي تحرسك // بكلب ولهان

*************

حرمّت عالعين تغفه رسمك ونورك جفاهه

حكّي من أسهر ليالي غيابك عيوني عماهه

رحت يبني بلايه رجعه بعادك سنيني سباهه

عتب كَلبي عله روحي وياك ماراحت شجاهه

خوفي لاتعتب الزهره // دمعي نهران

**************

يمّه ياعباس أودعك وأدري تحفضهه الوصيَّه

بيك راســـي يبقه عالـــي جود عنَّـه للمنيَّــــه

وجهي أبيض بيك باقــي وأخوِتَك بالغاضريـه

فدايه لجل حسين كلنه كون تقبلنه الزجيَّـــــه

شما تضحّي لاتقصّر // حسيني عنوان

************

راح يومي يطول ليلـــه والصبح ماشوف فجـــره

أدري يوم الطف عذابـــي كربلـــــه لبنـــي تغدره

حسره وونين بغيابــــه بصدري متكسّـــره العبره

راح عنّي وماله رجعه ريت ويَّه الزهره أحضره

نجوم غابت وي كمرهه // غيرة أخوان

******************

يمَّه يازينب شكلّج كَلبـــــــــي مجبور الغيابج

ريت أمشي وياج دمعه تواسي يايمَّه مصابج

وحدي ابقه بليــل همّي بروح ماتحمل عتابج

أبقه أناطــرخبـــرمنكــم وبيج أفكــر وبعذابج

كطع بت كَلبي وجفاني // وكَطع شريان
********************************












عرض البوم صور خالد محمد مهدي الحجار   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
ليالي العشر الاولى شهر الاحزان /1+2 خالد محمد مهدي الحجار احباب الحسين للشعر الشعبي 4 19-10-2014 11:43 PM
بالصور احياء الليلة الاولى من ليالي القدر المباركة في العتبة العلوية المقدسة محب الرسول قسم الصور الدينيه 4 28-07-2013 10:40 PM
اعمال العشر الاولى من محرم ناصرة ام البنين قسم الادعيه والزيارات والأذكار 2 10-12-2010 05:44 PM
نهر الاحزان ابو زهراء الغزي احباب الحسين للشعر والخواطر 3 23-12-2009 10:11 AM
شهر الاحزان انوار ولائيه منتدى أهل البيت (عليهم السلام) 2 29-12-2008 12:10 AM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين