نعشج احمله اشلون عذريني يم عباس
عالمشرعه تدريـــن كطعوا أديه الناس
عندج خبر ـــــــــــــــــــ يم النهر
كطعوا أديه الناس
ــــــــــــــــــــــــــــــــــــــــ
نهض من النــهر صــوب المــدينه
وتوجـه بالحزن ويصب جرح عينه
تــمنـى يـــملك أيـــساره ويــمينه
وبـيده يشيل نعش أمــه الـحزينه
راح وجروحه اتســيل تركت أثر خلفه
رسمت على التربان شلون انكطع جفه
وخط عالصخر ــــــــــــــــــــ يم النهر
ــــــــــــــــــــــــــــــــــــــــــــ
أختنك بالعبره لمـن شـاهد أديـاره
مثل سـرب الحـمام الفارك أوكاره
انه العـباس يصيح ودمعه يتجاره
ارجعت الكم ييمه وروحي محتاره
ظلمه ييمه الدار غاطيهه ليـش الــنوح
دار الهواشم هاي جانت تداوي أجروح
أنه الكمر ـــــــــــــــ يم النهر
ــــــــــــــــــــــــــــــــــــــــــــ
هامت روحــي منــي وعتنتكم
وبــين الأه والعـــــبره لكتـكم
ظلمني الــــدهــر يمه وظلمكم
وفـــرق بينه وطـــشر شـملكم
من كربله ولليوم ونتم عله هالحال
والله فجيـعتكم منهه تشيب اطفال
شخله الدهر ـــــــــــــــــ يم النهر
ــــــــــــــــــــــــــــــــــــــ
وصلت الباب ومني سالت العينين
اطرقه شــــلون وانه فاكد الجفين
وصيح ابصوت يااهلي مشيتوا وين
انه العباس يالعنكم حجبني البين
لن بس نحيب ونوح ويسمع ييمه اهنا
من رحتوا عنه ابليل عاشرنه بس الأه
ودمع النظر ــــــــــــــــــ يم النهر
ــــــــــــــــــــــــــــــــــ
عله أمه طاف ومن عنده الدمع هامل
وتفجرجــــرح عينه دمـه ســـــايل
وبيمينه يتمنــى العــــلم شـــايــل
وعنده اجفوفه هاي الساعه ابوفاضل
ياريتج اتشوفين يا ام الوفه حالي
يم العــلم خليت أيميني وشمالي
و سهم الكدر ــــــــــــــ يم النهر
ـــــــــــــــــــــــــــــ
تمنــيتج أبــوادي كــربله ويـــاي
تشوفيني لمن اكـــصدت للمـــاي
ملكته وماشربته امن اذكرت مولاي
مليت الجود تعرفيني انه السكاي
وفيت عهدي اهناك تشهدلي الجفين
ابشبلج العــــباس يايمه قــري العين
نلت الفخر ـــــــــ يم النهر
ـــــــــــــــــــــــ
ــــــــ
ـــ
خادمكم جبار البطاط
المواضيع المتشابهه
العرض العادي
