بسم الله الرحمن الرحيم
اللهم صل على محمد وال محمد وارزقنا شفاعتهم يارحيم
قصيدتي بعنــــــــــــــــــــوان كعبة العقيده وهي من البحر الطويل
ياكعبة عقيدتنه *** يحسين انت قدوتنه
يانهج ورساله ودين ** يانبع القيم يحسين
بيك امنت امتنه
..........********.............
القصيده اللي اصبحت ثوره ** يحسين بضمايرنــــــــــــه
عاشت بالدمه وبالروح ** وتظل تسري بخواطرنــــــــــــه
صارت للموالي احساس ** وملكت كل مشاعرنـــــــــــــه
كتبهه ابن محي الدين ** وصارت من شعايــــــــــــــــرنه
ورددهه الرميثي بصوت ** واحيت كل منابــــــــــــــــرنه
وتظل بيهه تنادي بعز ** تظل تهتف حناجرنـــــــــــــــــــه
هويتنه اصبحت يحسين ** مخفينه انت ظـــــــــــــاهرنه
ولجلك ياابو السجاد ** ضحينه بمناحرنــــــــــــــــــــــــه
يشهدلك زمان الراح ** ويشهدبيه حاضرنــــــــــــــــــــه
وتشهد كربله مولاي ** وتشهد لك مقابرنـــــــــــــــــــه
شرف لجلك نضحي الروح ** وهاذي من مفاخرنـــــــه
ميهمنه اليجي والراح ** لجلك ترخـــــــــص الارواح
ياعزنه وهويتنه
****************
وحق جدك رسول الله ** احنه نقسم ونشــــــــــــــــــهد
انت اشرف نهج خطيت ** وانت اشرف نسب وي جــــد
واشرف والد ومولود ** واطهر والده وامجـــــــــــــــــد
بنهجك واضح الاسلام ** وبيه الدين يتجســــــــــــــــــد
وعمرك مارضيت الذل ** وابد ماكلبك تـــــــــــــــــــردد
بدمك ثبتت هالدين ** والك كل البشر تشهــــــــــــــــــد
تشهد ثورتك عالحق ** وبيهه المنهج تحـــــــــــــــــــدد
رفضت تساوم الفجار ** وابد ماصافحت احــــــــــــــــــــد
ويظل العاشر بعاشور ** يظل كل عــــــــــــــــام يتــــــجدد
ويظل هذا الحزن للدوم ** شماطـــــــــــــــــــال الزمن وابعد
ونظل نلطم عليك انوح ** ومـــــــــــــــــــن دربك فلا نرتد
كل احنه نصيح بصوت ** لجلك ياحلاة الموت
يحسين انت عزتنه
********************
حقنه لو نقدس حسين ** ولو نبجي ونهل عــــبره
ألما يعرف فكر الحسين ** عنه خلي يتحـــــــــــره
حسين ابن النبي الهادي ** ومن عنده اكتمل فكره
حسين ابن الوصي الكرار** وامه الطاهره الزهره
حسين الماطلع بطران ** يدور جاه لوشـــــــــهره
حسين المايهاب جيوش ** شبيه المرتضه بــــكره
حسين الحجه القاهه ** بخطابه ينادي عالنصـــره
حسين العلم الوادم ** شجاعه بعزته وصبــــــره
حسين الثبت الهالدين ** مساءه وليله وي فجره
حسين الاسس الدستور ** بكفاحه وهمته وقدره
حسين الخله كل الناس ** تعيد وتحجي بذكـــره
نظل لاخر نفس وياه ** بالروح ودمه نفـــــداه
ماتنتهي امحبتنه
***************
أميه بها لزمن ردت ** وعادت حملة الكفــــــــــــار
يزرعون الفتن وأحقاد ** وزرعو بالشريعه أفكـــار
غايتهم يفرقونه ** وهجمو بالســـموم ونـــــــــــار
ظنهم نهجك نعوفه ** ونترك حيدر الكـــــــــــــرار
ماننسه ابد يحسين **مانترك درب الاطـــــــــــهار
انت محور الايمان ** وانت قدوة الاحـــــــــــــرار
انت اللي صرت عنوان ** وانت للعقيــــــــــده الثار
من فكرك اخذنه دروس ** ابد منــــــــــساوم الفجار
مانخضع قسم يحسين ** ونرفض كل مذلـــــه وعار
كلشي واضح ومكشوف ** ماظلت بـــــــــــعد اسرار
خلونه نشد الحيل ** واحنه نكمل المشـــــــــــــــوار
احنه اللي صبرنه سنين ** وحدتنه نصر لحسين
تغيض اعداك وحدتنه
*******************
عدونه يخطط ويرسم *** ويحاول يحسن التدبـــــــــير
النواصب مله مذمومه *** هدفهم غايته التدميـــــــــر
فتاويهم كفر واشراك *** كل ظنهم عليهه انســـــــــير
حركو هالوطن بارهاب ***يردونه بحزنه انحـــــــــير
غايتــــــــــــــــــــــهم يذلونه *** وعلينه افتو بتكـــفير
منا الذله ابد هيهات *** نحب موته بكرامه اتصيــــــر
مانترك طريق الطف *** رغم اللي جره ويصــــــــــير
عدونه بالغدر موصوف *** مايعرف عده التفجيــــر
هدفنه واضح ومعروف *** مايحتاج اله تفكيـــــــــر
وحدتنه رفع للراس *** وبيهه نصنع التغييـــــــــــــر
ظنهم نترك تلاطهار *** لازم نفهم التعبيـــــــــــــــــر
نقسملك قسم يحسين **** بحبك كلنه متحزمين
منك هاذي همتنه
المواضيع المتشابهه
كعبة العقيده
العرض العادي
