بسم الله الرحمن الرحيم
السلام عليكم ورحمة الله وبركاته
طبعا كلنا مش نقدر نستغنى عن صديقنا المفضل فى المطبخ اللى بس نحضرله الاكل وهو يطبخ براحته بقى طبعا عرفتوه الفرن
وتنظيفه بصفة دورية مهم لسرعة إنضاج الطعام ونظافته ,بس الدهون والشحوم بتغلبنا فى دعكها وهى محتلة كل حتة فى الفرن وعشان كدة بحثت وممخت لحد الحمد لله ربنا هدانى لطريقة سهلة وبتوفر جهد ووقت كتييييير ومش قادرة اقولكو ريحتنى اد ايه
المهم الطريقة.....اولا بتجيبى بيكربونات صوديوم وخل وصابون سائل عادى بكميات متساوية واخلطيهم جيدا , وبعدين اغمسى ليفة سلك فى الخليط وادعكى جدران الفرن برفق ثم اتركى الخليط يجف على الفرن ساعة ساعتين او حتى ليلة عشان الدهون تتحلل على مهلها
وبعدين امسحى الخليط بقطعة قماش مبلولة او بليفة والدهون بتطلع بسهولة معكى إن شاء الله واتأكدى انك ازالتى اى اثر للصابون عشان مش يقع فى الطعام بعد ذلك.
ثانيا احضرى اى صينية فرن عميقة شوية واملئيها ماية كتير وضعى بالماء بعض شرائح الليمون او حتى الليمون المعصور استفيدى بيه بدلا من رميه , ضعى الصينية فى الفرن وشغليه لمدة ساعتين او اكثر .. طبعا الماء سيتبخر من الصينية ويتكثف على جدران الفرن فيسيح الدهون والليمون سيعطر الفرن ويزيل البقع .. وبعدين لما الفرن يبرد بتجيبى قطعة قماش مبلولة وتمسحى جدران الفرن وسترين اللمعان والنضافة بعيونك إن شاء الله.
بجد انا مجربة الطريقة دى وحتى جوزى اللى مش بيدخل المطبخ غير تخاطيف اخد باله
بتمنى انكو تجربوها وانى اكون افدتكم زى ما اتعلمت منكم حاجات كتير ياقمرات
منقول للفائدة
ذكرتني بالطقوس اللي تسويها الوالده الله يحفظها ..
تنظيف الفرن عندها يكون له يوم خاص ..
حتى لو كان نظيف .. بس هي تشوفه بعين غير ..
المنظفات على جنب وادوات الفرن على جنب ..
واحنا على جنب ننظر للمعركه خخخخ
لما تقول اليوم بنظف الفرن ..نروح نشوفه على عمري يكسر الخاطر
نظيف حده ..كل يوم يآخد دش خخخ
بس ليش تعذبه الوالده الله اعلم ..خخخخ
الله يحفظك اخي ..ومشكور على النصائح
بس انا بآخذ نصائح الوالده وتحضيراتها ..
اللي تعودنا عليها ..
المواضيع المتشابهه
العرض العادي
