همي بكبر الجبال وعيوني من السهر تعبت
لشوكت هذا القهر؟مو روحي من الحزن ملت
مو كافي اشيل هموم واجر حسرات واتنهد
اشوف الصبح صار اسود ودنياي بليلها اظلمت
صبرت سنين عالاهات مو روحي من الصبر طلعت
ياروحي بعدنا صغار ليش الدنيا ما رحمت
يسمونا ورود البيت تاليها ورودنا ذبلت
ليش الوضع تعبان والدنيا بهالبلد خربت
اذا فد يوم نسمع صوت معناها الجثث انتشرت
وكل ام من الرعب خافت وعلى اولادها رجفت
وجم ام على باب البيت اندعت الله وانتظرت
بس ما عادلها ضنوتها راح وعافها وانفجعت
ظلت تنوح عليه صبح ومسى وما سكتت
مو هي التعبت سنين سهرت ورضعت وربت
تاليها من بين ايديها شمعه بيتها انخطفت
يابلد هذا بالدنيا شبابه من الحزن شيبت
لا تسالنا بعد اليوم شجاها الروح ما ضحكت
مو حقنا نصيح بصوت وين الليسموها عرب ما انتخت
اذا اليوم العراق اندثر معناها حضارة الدنيا اندثرت
لان الكون لو لانه لابيه حظ ولا بخت
لان عدنا علي ابو الحملات رايتنا بيه ارتفعت
وعدنا حسين ابو الاحرار والعباس باسمه زينب انتخت
عدنا الكاظم الصابر من عنده ارواحنا صبرت
الجواد ابن الافاضل بيه الكرام افتخرت
وعدنا الهادي والعسكري قبتهم لعالي السمه ارتفعت
ومن عدنا اجه المهدي و كامت هالدنيا وما كعدت
سلام الله عليك يا عراق علي والحسين
شكرا الف شكر لكي يا نجمه البصرة
ولما جاد به قلمك بشوق ننتظر جديدك:65:
المواضيع المتشابهه
العرض العادي
