عشق وانتظار .. قصائد في حب الامام المنتظر ( ارواحنا لتراب مقدمه الفداء)
(ليل الاشـــــــــواكَ)
رفقا بالمحـــب ياليل الاشواكَ
ماتدري الكَلب ذاب من الفراكَ
رفقاً يازمانــــــــــــــــــي .. شبعد بيه واتاني
حبيبي حبيبـــي حبيبي المنتظر
....
اعله حد شوف الــــــــــدرب امنت العيون
ونطيت الروح دمعــــــــــــــــــــه لليونون
اتاني وماتانــــــــــــــــــــــــي غيث الايام
وذبل غصن انتظاري بصحره الاضنون
ومني ضــــــــــــاعت اني
شبعد بيــــــــــــــه وتاني
حبيبي حبيبي حــــــــــــــــــبيبي المنتظر
.......
عشت بعده بحزن ساعـات الغروب
وصرت قصة صبر بحـلوكَ الدروب
ياليل.. العشك ضنــــــــوة الزهراء
تظن يقنع دليلـــــــــه بغير محبوب
وانطر عشكَ ثاني
شبعد بيه وتاني
حبيبي حبيبي حبــــــــــــــــيبي المنتظر
......
اظل ياليل اتاني المهــــــــــدي ويعود
ويظل باب الفرح بغيـــــــــابه مردود
وورده الماتمر بيــــــــــها الفراشات
تعيش بلا بخت مــــــــــــابين الورود
الفرح بعــــــــده نساني
شبعد بيـــــــــــه وتاني
حبيبي حبيبـــــــــــــــي حبيبي المنتظر
......
احمل ياوكت جمــــــــــــــرات الاضلوع
وعيش العمر دمعـــــــه بخلكَ الاشموع
على جناحك اوديـــــــــــــله سلاماااات
لان كالولي صــــــــــــوت الليل مسموع
ياليل الامـــــــاني
شبعد بيــه وتاني
حبيبي حبيبي حبـــــــــــــــيبي المنتظر
.....
ياليل الصبر ماظــــــــــــل بعد حيل
بشرني واخذ كــــــــل عمري ياليل
هم لمحت نجــــــــومك نور دنياي
وحضنت ضي جبينه نجمة سهيل
خبرني بأمـــــــــاني
شبعد بيــــــــه وتاني
حبيبي حبيبـــــــــــــي حبيبي المنتظر
*****************
الى روحي
مهدي ياروحي .. ياروحــــــــــي
وبلسم جروحي .. ياروحـــــــــي
الجيتك مشبوحه عيني
مهدي ياكعبة حنيني
وبلسم جروحي .. ياروحــــي
...
اليساهر ليـــل جرحه
ينتظر من فجره فرحه
شلون لو جفين صبحه .. تصب ملح
الشوغه .. تتحول قصيده
يقره كـــــــل بيت بوريده
والزمان يكله عيده .. شهالجــرح
تحله ابيـــــــــــــاته .. ابياته
بعين شمـــــــــــاته .. ابياته
التجي .. وين بونيني ... مهدي ياكعبة حنيني
وبلسم جروحي ياروحي
....
بحب الايـــات لنبينه
وشوكَ الايتام لعلينه
كَلبي الك ينبض حنينه .. شما تنطـّر
طفل عطشان ويكابر
وبالصبر مكسور خاطر
لجود عباس ويناطر .. يـــرد كوثر
يطفي جمراته .. جمراته
ويخمد اهــاته .. جمراته
انت عباس ويقيني
مهدي ياكعبة حنيني
....
مهدي يااغلـــــــــــــه من غالي
انت اول وانــــــــــــــــــت تالي
كعبه وبسهر الليالي .. اطـــــــوفك العين
تلبي .. يايوم ونشوفه
ضيك الغالي واطوفه
التمس دافي جفوفه .. وحضنه ياحين
ارجم احزاني ... احزانــــــــي
ونبرة اشجاني .. احـــــــزاني
وتبتسم شفة سنيني ... مهدي ياكعبة حنيني
وبلسم جروحي
....
ياوعد طال انتظاره
ياضوه بعين الحياره
انت للتايه منـــــــاره .. والدليل
وانا في عاصف حناني
البعد ذره كيــــــــــاني
آني تاهت مني آني .. بجنح ليل
بيه دلينـــــــي .. دليني
الي ودينـــــي .. دليني
تايه وخبرني ويني .. مهدي ياكعبة حنيني
وبلسم جروحي
....
يامحمــــد من محمد
ياعلي وجبريل يشهد
بيك تبقى الله احـــــــــد .. والصمد
وحبي الك .. حب لرسوله
وناتج الديـــــــن واصوله
لكل وصف بيك واكوله .. خبر مسند
واكـّـــــد اياته .. اياته
الوحي ذاتـــــه .. اياته
حروف اسمك في جبيني ... مهدي ياكعبــــــة حنيني
وبلسم جروحي
****************
(حلم غافي)
بعيوني حـــــــــلم غافي .... واسمك ساكن اشفافي
ياضي ناظري .. مهدي
ياضي ناظري .. مهدي
*********
ريتك تنظر اشسوه
بعدك يا اعز نجوى
الوللي العيني يالوّه .. ا يا لواه
واغفه لخاطر الجيه
وعيش اطيوف مهديه
احط اجفوني بيديه .. لجل طرواه
اضم اعيوني بأحضاني .... لون مريت بجفــــــاني
ياضي ناظري .. مهدي
ياضي ناظري .. مهدي
***********
اطوف بعالم احلامي
واشكي الطيفك الامي
ياموعود ايامي .. عمر شمعه
امد لطيفك اجفوفي
ودك بابك انه وخوفي
افز من عالم اطيوفي ... على الدمعه
خافن يكَضــن اسنيني .... وماشوفك يضي عيني
ياضي ناظري .. مهدي
ياضي ناظري .. مهدي
***************
عاشكَ والبعد هدني
وليل الهـــجر جنني
يالعندي اعز مني .. يضي العين
يبن الطاهره الكوثر
يتيم لحضنك اتنطر
ياحيدر علي اتقرر .. ترد ياحين
مسكين ويتيــــــــــم اني .... واسير همومي واحزاني
ياضي ناظري .. مهدي
ياضي ناظري .. مهدي
**********
يتيم واغفه عالحسره
وافز بخنكَــــة العبرة
يبن الطاهرة الزهره.. هجرني الحيل
تروه احلامي بدموعي
وبعدك جمره بضلوعي
يا آخر ضوه شموعي .. هضمني الليل
بمرسى شاطي آهاتي ... روجه تذوب حسباتي
ياضي ناظري .. مهدي
ياضي ناظري .. مهدي
**************
يابلسم جرح صبري
لجيتك ينتظر امري
شلي بعمري يكل عمري..اذا ماجيت
ياوالي استمع ردي
مهدي وانت من مهدي
حبيبي وغيرك شعندي .. الك حنيت
حن مجــــــــــــروح للطيبه.... وزاد البعـــــــــــــد تعذيبه
ياضي ناظري .. مهدي
ياضي ناظري .. مهدي
*********************
ونسألكم الـــــــــــــــــــــــــــــــدعاء
المواضيع المتشابهه
العرض العادي
