حِزنّهه اعليك وانجدّدْ حِزنّه
ياسبط الرســــــول وانت منّه
ثـــــــار الله انت
يهلّ المهدي يمته
يأخذ ثــــــارنه يبـرّدْ كَلبنه
******
حِزنّه اعليك موبس احنه نحزنْ
ابمصابك كل جبال الارض ونّنْ
الطيور ابحضرتك يحسين يبجنْ
عله شمس الكرامه
عله نــــــور الإمامه
خلينه نــــــون ونّــــه اعله وَنّــــه
******
ملائكــــــــة السّمه هلّتْ بالدموعْ
ونبيه الهادي يبجي وكَلبه مَفجوعْ
راس احسيّنيه عل الرمح مرفـــوع!!
هذا ابن الـــــزّجّيه
وابن حامي الحَميّه
بمكـــــان الدّمع دمْ ينزفْ دَمعنه
****
الارض حِزْنَتْ شهر حِبْسَتْ هواهه
ودمْ مطـــــرتْ عله الدنيه سمــــاهه
احسين ابن الـــزّجــــــيّه وابن طـه
نحجيهه ابصراحه
نسوّيـــــهه مناحه
بني اميّه تذبحـَــه ونسكتْ احنه!!!!
*****
انزفْ يـــاكََلب وابجنْ يلــــعيــون
لاجل احسين كل ارواحنه تهون
أيّمَــتنه عليـــه اليــــوم يبـجـــــون
صُبرنه يـــــانَبينه
بعد شيصير بينه
احنـــــه كـــــربله كُلْ يوم عــدنه
*****
حكَنه عل الصدر نلطم بإيدينه
وكل الدنيه هـــاليّله حــَــزينه
رَيحانةْ رســــــول الله نبَــــينـه
منو يوصل مكانه!!
يل واحـــد زمانه
يذبحــــــونه وحب احسين جَنّه
*****
انهض يبــــو صالح اخذ ثــــاره
واحنه اوياك بسْ انطي الإشاره
عله احسين الدمع ليله او نهاره
انهضْ يــل بَقيّه
بأمــرْ ربّ البريّه
ابــــدْ والله منبَطَّـــلْ حِــــــزّنــه
*****
نمشي الكربله انزور ابــــو اليمّه
اونعزّي المهدي وانواسيه ابهمّه
كل زاير يـــــزورْ امسجّلْ إسمـــه
انحبّه امن الرّضاعه
او من عنده الشّفاعه
حِجّــــه لحضرتـــــه كلمن تعــنّه
*****
وين الطاغيه اووين آل اميّه!!
وين ابن الدّعي وابن الدّعيّه
خيام احسين بأرض الغاضريّه
للعــــــــالم منــــــــــاره
اوندعي ابكـل بزّياره
احسين الامــــــل هو اليشفعنّه
الشاعر ابو محسد النجفي
شاعر اهل البيت