العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


هلّيت ياشهر أحزاني

احباب الحسين للشعر الشعبي


إضافة رد
قديم 25-10-2014, 11:34 PM   المشاركة رقم: 1
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

المنتدى : احباب الحسين للشعر الشعبي
هلّيت ياشهر أحزاني

(( لوانه))
على جرف النهر طايح لوانه
جار الدهر من عكبه لوانـــه
بعمود الراس مصيوبه لوانه
وموت بصفه بأرض الغاضريه
*******
نحيلة حيل مايصحه بدنهه
ليالي السود بمحرم بدنهه
بجفّين وكلب زينب بدنهه
وبعد هالظيم أخذوهه سبيَّه
******
عله جور الوكت ياهو نحيلــه
جتلهه حسين خلآهه نحيلـــــه
ضعنهه من اليسر ألمن نحيله
عله أجساد وضحايا الغاضريه
**********


لسان الامام السجاد عليه السلام

(( ياشهر الحزن هلّيت))

********************

ياشهر الحزن هلّيت ** موتي وياهم أتمنيت

بنبظه الگلبي **أسأل ربي

*************

گلبي اتوشح الاســــود **بصدري انكسرت العبره

ماأنساه ليل انهــــــــار ** وبكل لحظه أتذكـــــــره

وخيالي أيصَّور العيني **اشلون أتوّسد الغبـــــــره

دامي مسلّب وعطشان ** والخيــل اسحگت صدره

من جور المصيبه بݘيت

لاظل حيــــــــل ونهديت

ظل بالي وياه ** وشلون انساه

**************

عله فراش المنيّه النوم**بس عيوني بيها الروح

لاسيف احمل بيمنياي **أبعلتي موسد ومطروح

بين وبين يگصدنــــي **أبواحد من هلي مذبوح

وبدمعاتــــــــه غسّلهم **يگابلهم وگلبه ينــــوح

ياعاشـــور ماخليت

واحد سالم من البيت

وآنه بعلتي **زادت ونتي

************

اذكرك لو تذكّرنــــــــــي **يشهر الظيـم والآلام

حزنك مدّته گصيــــــــره **ماتتجاوز الايـــــــام

وآني عمري حزنه يطول **اليوم أيمر عليّه بعام

يذكّرني شراب المـــــــاي ** بعطشم عالثره نيّام

اعاني فراگهم ظليت

بآلآم وحـــزن حنيت

دمعي دمّي **ونّي همّي

************

بيوم العاشــــر أصبحنه **علـــه درب المنيّه نسير

ضيغم من أصل ضيغـم **بأيمان وعزيمه نغيـــــر

وگفوا شرفّوا ابطـــــال **بموقف يصعب التفسيـر

المنيّه ستانسوا بيهــــــا **الزفّـــــــه للجنان تصير

عليّه اليوم هم رديت

ظنّك بيّه آاني نسيت

ماأنساهم ** روحي وياهم

**************

أرجــــــــــع صفّح أيامك **وشوف ألّي سده بيها

شلون عله النهر من طاح **العباس حاديهـــــــــا

وگطعوا يمنته ويســـــراه **وسهم بالعين طافيها

تهشّم راســـــــــه بالعامود** طاح اليوم ساقيهــا

يابو الفضل من هويت

الرمضه بيمن أتلگيت

هاي الخوّه ** غيره ونخوه

***********

اريد احݘيلك آلامــي **الحزن بصدري ظل مخزون

المثلث وسط گلبــــي **نهر من دم جرن لعيــــــــون

ظلّ باقي الجسد ايـام **ثلاث ليـــــــــــالي ما مدفون

وحوش البَر تمرعليه **بعين الله الحفظ والصــــــون

أظلمّت دنيتـي وعميت

ولابيدي الجسد واريت

لاغسلته ** ولاجفنته

************

شهر عاشور شحݘيلك **عن ام الحـزن شحݘي

سد صارت ألي الحــــرّه **وكل لحظه ألي أتّݘــي

گلبها حِمله حِمل جبال **أشوفن حالها وأبݘـــــي

بحرم واطفال محتـاره **منوا يسمعها لو تشݘي

صبر عندي مثلهــا ريت

العذاب اتحمله أو لشكيت

عشت سنيني ** دمعي بعيني

وموتي وياهم أتمنيت

*******************************













عرض البوم صور خالد محمد مهدي الحجار   رد مع اقتباس
قديم 04-11-2018, 03:27 PM   المشاركة رقم: 2
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وآل محمد وعجل فرجهمياكريم
ربي ‏يعطيك الف عآفيه
على الطرح الرائع
بارك الله فيك












عرض البوم صور عاشقة ام الحسنين   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
ابوذيات(جم دمعه بشهر الحزن هلّيت عبدالله الشاعر احباب الحسين للشعر الشعبي والحسيني 5 11-09-2014 10:45 PM
قصيده اهلاً ياشهر رمضان محـب الحسين احباب الحسين للمرئيات والصوتيات الاسلاميه 3 25-07-2011 04:19 AM
يااهلا بيك ياشهر رمضان حوريه جنة أحباب الحسين الرمضانيه 4 25-08-2009 04:30 PM
مدينة أحزاني سكون الليل من مداد قلمي 4 20-08-2009 05:26 PM
غـــرفة أحزاني سكون الليل احباب الحسين للشعر والخواطر 1 21-05-2009 10:16 PM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين