Share on facebook Share on twitter Share on email Share on print Share on gmail Share on stumbleupon Share on favorites Share on tumblr Share on pinterest_share More Sharing Services 0
حيدر علي مجروح++يالتحبّونه
ودمه فيّض الكاع++يالتشيلونه
يبجي ويهل محرابه++وفجعونه ابصوابه
+++++++++++++
فاطم والجرح والناس++هاليله ابحزن واحزان
ولجرح الولي هالوادم++تبجي وفاضت الكيعان
جرحك خلّه بينا اهموم++تسعر والكلب نيران
ياحيدر ابمحرابك++نزلت فاطم الاحزان
والحسن صاح ابصوت++ يالتحبّونه
كلّ شيعته هاليوم++خل يشوفونه
هم وحزن محرابه++ وفجعونه ابصوابه
+++++++++++++
ياعين البعدّ تغمض++وياكلب البعدّ يفرح
زينب علي ابهاليله++حزنانه والدمع يسفح
تكلّه ياحيدر اشلون++هيهات وبعدّ افرح
جرحك زرع بيّه اهموم++وهم الكلب زاد وطفح
مولاكم علي غاب++يالتوالونه
حيد اليلمكم راح++يالتعشكونه
وباب الامل بابه++وفجعونه ابصوابه
+++++++++++++
وحيّف وعلي ينشال++وما ون والجرح جتّال
جريح الولي وهم الحسن++يبجي ومتحيّر الحال
وشال الولي ومتحيّر++ما بين الجرح والامال
جان الهم امل ويطيب++حيدر وتعود الامال
يبجي الحسن حزنان++هالتشوفونه
يبجي على الكرّار ++من تسالونه
نبجي ونشم اترابه++وفجعونه ابصوابه
+++++++++++++
محتار ويلطم الهامه++ومثل حال الولي حاله
حسين وعلى الوجنات++يلطم والنعشّ شاله
وصاح أبصوت يا والي++ وي زينب والدمع ساله
حيدر للدفن هاليوم++ راح وناحّت اعياله
وحسين صاح ابصوت++ يالتشيعونه
كلب زينب ولهان++ هم تعرفونه
هم ولطم محرابه++ وفجعونه ابصوابه
+++++++++++++
خل عندك ضمير وكول++ وبالّك تشك بالصار
حزن العقيله وعبّاس ++ نيران وتشب بالدار
تكلّه ياكمرماعندي++ بس الله والكلب نار
وصاح وعلي يازينب++ محميّه وتجي الاخبار
وناح وعلى الصار++خل يسمعونه
هم خدرج العدوان++ لا ما يمرونه
در وعلم محرابه ++ وفجعونه ابصوابه
++++++++++++++
ولفراك الولي هاليله++ نار وتلطم الايتام
ويم دار الولي راحت ++حزينه وتشكي الاحوال
زينب والحزن والباب++حزن وسمعت الاطفال
حيدر للدفن هاليوم++ ودّوه وضاعت الامال
مثله فلا بالكون++ لو تنظرونه
وشمس الله حيدر++ من تعدّونه
هال الكبر اترابه ++وفجعونه ابصوابه
+++++++++++++++
+++ بقلمي+++
خادم اهل البيت (ع)
عبدالله العتابي
المواضيع المتشابهه
العرض العادي
