مو ميت عدل واكبالي اشوفك دوم
واتامل فلان لغيبتك رجعه
ماصدك غفل يوليدي عني تروح
مستعجل تريد فراكنة بسرعه
كدامي القلم كل ساعة اشمن بيه
بلكي عله القلم نيشان من صبعه
وشكد ذكريات مخلي عالاوراق
وحجايات حلوة ابالي متجمعه
نقره بدفترك حد ماتطيح عيون
والبوم الصور نشتاق ونطلعه
عيني عللدرب من ربعك يردون
اكولن بلكي اشوفن جاي وي ربعه
شريد انسه ييمه منيلي النسيان
هو الجرف ينسه الماي ويودعه
يوليدي العراقية تسولف بيك
لمن تذكر اسمك كَلبي اتكطعه
تبقه عيوني تربي مكابله الشاشات>
بلكت صورتك لو صوتك انسمعه
اقنع روحي يمكن لو كلت انساك
بس كَلبيي الدفنته وياك شيقنعه ؟؟؟؟؟؟؟
المواضيع المتشابهه
العرض العادي
