عرض مشاركة واحدة
قديم 27-03-2009, 12:38 AM   المشاركة رقم: 1
معلومات العضو
محـب الحسين
 
الصورة الرمزية محـب الحسين

إحصائية العضو







 
 


التوقيت

التواجد والإتصالات
محـب الحسين غير متواجد حالياً

المنتدى : احباب الحسين للشعر الحسيني
أبوذيات للملا عطيه الجمري

الأبوذيات للملا عطيه الجمري

,,, لطم الزهــــراء ودفنها ليلاً ,,,
انسها تنوح هالدنيا وجنها على الزهرا اللطم حبتر وجنها
لفاها الليل من ماتت وجنها دفنها بالحزن حيدر خفيه

***
... ضربة هامة امير المؤمنين ...
مصيبة والعرش لعظم لها ماي وعيني دم تسح لاتظن لها ماي
وشق السيف يا ريته لها ماي تعيش انت ولي حتف المنيــه

***
& مقتل مسلم وجره بالسوق &
اريد اصبر الدهري دوم وان جار اشكثرقلبي من اللوعات ون جار
انجتل مسلم برض كوفان واجـــار ابحبل بالسوق وين اهل الحميه

***
× شكاية سكينة العطش ×
لنوحن دوم وعيوني لعمها وكل دنياي باحزاني لعمها
شجتني من لفت سكنه لعمها جتلني العطش عم لحّق عليه

***
# الحسين على مصرع العباس #
واي ولا يهون الحزن بالواي ولا اشكي الغير رب العرش بلواي
يبوفاضل انا محتــــار بلــواي تنكس وانهدم بيـــــــتي عليــــــــه

***
% زينب ترثي العبــاس %
علي مال الدّهر بالجور واعدى وبيه جم شمت حساد واعدا
اخويه الما اختلف ياخلق وعده لزم نوم الشريعه وقطع بيه

***
$ سكينه والقاسم $
يَنكبات الدّهر عدلي وحنّي ضلوعي وكثري وجدي وحنّي
لروح المشرعه واقعد واحني ابدم اجفوف عمي اجفوف ايديه

***
~ رمله والقاسم ~
الدهر صكني ابلب حشاي وانشاب وجانون الحزن تدرون وانشاب
يلهب بالقلب لوسمعت ون شاب يجاسم ونتك شعملت بيه

***
... رمله على نعش القاسم ...
يَجرح القلب صعب ايصير لمّك ويَجسم ابني الجريح شلون لمّك
يَجاسم مـــا تصد بالعــــين لمّــــك تودّعها قبـــــــل ورد المنيّــــــــــه

***
& انتظار ليلى لعودة الأكبر &
دموعي تصيح للورّاد مارد مصابي امجيد للدلال مارد
اوليدي ابحومة الميدان مارد عسى قبله اورد حياض المنيه

***
× ليلى ترثي الاكبر ×
روحي الدّهر بحزاني وشى بها وشعل ناره ابوسط قلبي وشبها
شبل المصطفى وليدي وشبهه شباب وغالته حتوف المنيــــه

***
@ وحدة الحسين @
وحق صبرك يبو السجاد ونداك الوجدك طود صبري انهدام وانداك
هز ركن العرش نخواك ونداك صفيت اوحيد يَنصار الحميه

***
,,, الرباب والرضيع ,,,
يبني المهد بعدك من يسكنه ومن اللوعات قلبي من يسكنه
من صاح السبط قومي يسكنه اخوج اخذيه ماظل جلد بيّه

***
~ الحسين يطلب الماء ~
شب بَقصى الضمير العطش والماي شفاتي واللسان ايبسن والماي
تمنعوني مبـــــــــاح الورد والمـــــاي مهر من والدي لُمّي الزجيه

***
# عطش الحسين #
جدّي الأمته رحمه وأب الها وبسمه يجود للعالم وابلها
ومُهجتي ماي ما يحصل وابلها صداق امّي وتمنعونه عليّه

***
×السهم المثلث ×
صباح الشّوم يوم الطف وظهره سهم بحسين شق قلبه وظهره
أطلعه الغير اشلون متحّير واظهره بثلث قلبه طلع روح الزجيه

***
* زينب والحسين *
يخويه اعداك وصلك ما نعتني نواعي البين قبلك ما نعتني
الطارش بالفجيعه ما نعتنــــي أظل أنصب عزا صبح ومسيه

***
× زينب وجواد الحسين ×
خيالك يامهر بيّن ولا حي الف لا مرحبا الجيتك ولا حي
دقلّي مات خيّالك ولا حي تقنطر بالمعاره ابْيا نويّـــــــــــه

***
$ جواب الجواد لزينب $
علي أقشر صباحي وشوم ظهري من خدرج يحورا ابعجل ظهري
بلمثلث وقع من فــــــوق ظهري وانا اتخضبت بدمومه الزكيّــــــــه

***
@الرأس والجسد @
ثبت سهم الدهر بحشاي وانبت وعلاق الدّليل انقطع وانبت
هذا الراس مدري الجسدوين بات ابقبر لو ظل على حر الوطيه

***
,,, في سلب العقيله وضربها ,,,
لخلّي النّوح طول العمر ورداي يخويه ودمعي المسكوب ورداي
كسر ضلعي الشّمر بالسوط ورداي يسلبونه العدا ترضى عليه

***
~ شكايتها الهوان والذل ~
الدّهر لملم لي اذيابه واسوده وايامي صفت قشره وسوده
ذاك الجنت اله سيد واسوده صبح يتهكم ابحكمه عليــــــه

***
... أسرها وقودها ...
سفح دمعي على الخدين وانزال رماني الدهر بين ارجاس وانذال
وخلاني ابيسر وبقيد وانــــــذال وجدّي المصطفى خير الــبــريه

***

وسلامتكم سلامة الزهـــــــــــراء












توقيع : محـب الحسين

عرض البوم صور محـب الحسين   رد مع اقتباس