هوسات مكتوبة للامام العباس عليه السلام
ارتعب جيش الكفر من شاف نظراته
وطشرهه الكتايب من حمل حملاته
ذكرهم بحيدر علي وصولاته
حيدر لو عباس احتارو ياهو الطبهم
علي خضير الصالحي
صعدت غيرته وحط جريته بضهره
وكال الماي اجيبه وداعت الحره
وصل شط الفرات وما شرب گطره
كبل حسين واطفاله شلون اشرب واتهنه
علي خضير الصالحي
هوسات للامام العباس عليه السلام للشاعر ناظم الحاشي
...
جلمة يابوراس الحار صدّك بس عليك اتلوك
والرادو دليل الهاي مثلك بشر مامخلوك
يوم النزّلو راسك لكو راس الرمح محروك
واشتعلت بي نار الغيره
....
1
اشهد ان بعد حيدر فلا فارس مثل عباس
واشهد ان مثل خوته فلا خوة بطن تنقاس
وأشهد ان مثل جفه فلا جف انكطع وانباس
واشهد مايشهد بي سيفه
.....
2
ثوب الخوه عد عباس غطه العباس وافراشه
الزهره الحاكته لحسين وحيدر فصّل اقماشه
وبيده لبسّه جبريل للعباس دشداشه
للطف ظمها اوعيّد بيها
....
3
لزمها الرايه ابوفاضل اوشك صدر الزلم بيها
اومن كثر الزعل مطبوع جفّه ابخشب ساريها
ماجن رايه بيده اتكول جن زينب اوحاميها
واشلون اطيح اخته امن ايده
.....
4
حسين السلّمه الرايه اوحلف عباس للرايه
متطيحين كاللها اوعرفت بيه الاكفايه
طب نهر الفرات اوكام دكها اعله المسنّايه
اوحل جفّه اوما حل الرايه
....
5
الجنه المنزلت عباس حارت منزله اشتنطيه
اولومه اثنين سادتها سيد ثالت اتسويه
اولوما حيدره بالباب جان ابابها اتخلّيه
واتسلمه الباب اومفتاحه
....
6
أسد غابة علي العباس اوحافظ هيبة الغابه
ولا تطلك بعد مثله أبد واتجيب جيّابه
يلعب من زغر بالسيف مايلعب ابلعّابه
اومن يبجي ابسيف ايسكتونه
.....
7
أمّه امن المهد للطف وفه اتغذّيه
اومن يطلب الماي الماي ماتنطيه
حته اعله العطش عباسها اتربّيه
عن لايعطش واتعز روحه
.....
8
يالتطلب رجه العباس كبلك عُمُر جرّبته
مشكلتك تفض واتهون لو عن بعِد صايحته
واذا هزّيت شبّاجه او تِحَلفه بعظم ستر اخته
يطلع وياك اويكضيها
.....
9
يوم انظربت الزهراء والباطل تعرّضها
طاح المحسن اوربّك بالعباس عوّضها
يوم الطف اله شاهد عركه اومن زعل فضها
مطرهه ابسيفه اوصحّاهه
.....
10
من صاح ابغضب عباس وارعبها الزلم والخيل
غربلها بطرف سيفه اونكتها اوفرّغ الغربيل
الكاع الشالته امن الخوف كامت من يميل اتميل
واتميل اورد يعدل بيها
....
11
بالطف اذّن الاذان من استشهد المعصوم
حيّه اعله الصبر عالموت حيّه اعله الوكع مظلوم
حيه اعله الجهاد ايصيح حيّه اعله الصلاه والصوم
اوحيّه اعله احسين اوعبّاسه
.....
12
لسان الحال للزهراء جنها اتصيح اسمعوني
اني ام الحسن واحسين ولدي اوقرّة عيوني
كرامه الوكفة العباس ام عباس سمّوني
اوصرنه ام عباس انسمّيها
....
13
ياجف مثل جف عباس جف فوك الثره امكطّع!
أميّه رادت الرايه اوعصت بجفوفه ماتطلع
ضل الكون متحيّر لاسامع ولا يسمع
جف ميّت ماينطي الرايه
....
14
ياعباس مثلك مايصير اثنين
اومثلك بعد بالخوان نلكه امنين
راسك عالرمح وايصيح عوفو احسين
لاانزل والدنيه افنيها
.....
15
يكفي احسين شاهد ما اريد اشهود
من سلّمه الرايه اوذب لجلها ازنود
موبس ينطي بيده ابكرم ماله احدود
من كد مايكرم كص ايده
.....
16
موش احسين واحد طاح بالطف طاحو احسينين
ولا عباس واحد جان بالطف جان عباسين
اثنين ابواحد اندارو ولاجن الثنين اثنين
واندار احسين ابعبّاسه
.....
18
لوناخذ نبي اويه احسين بالمقياس
خشب عصّاة موسى اوعصّته العباس
شمرهه ابنص زلمهم واخذ بيهم باس
اوبلعتهم كلهم عصّاته
....
19
ساعة منولد عباس واول ماحضن مهده
وكف حيدر على راسه اوراد العهد من عنده
كلٌه مو اتعوف احسين يوم الطف يضل وَحده
هز راسه عباس الحيدر
....
20
ناظم الحاشي
هوسات للعباس ع
ابوفاضل شجاع ويحله ميدانه
الهوسه تلوك للكطعو ذرعانه
عدلن هوسته وعينن الحزنانه
( وتحله الهوسه عليه / ابن البدويه )
🎤🎤🎤🎤🎤🎤🎤
حزنانه العقيله بحزن ماموصوف
وجرح عباس بيها ومايفيده الروف
اخوها الباع جفه وطفه نور الشوف
( تريد الكول معدل / للبيه كفايه )
🎤🎤🎤🎤🎤🎤🎤
احجي بزود للعباس وافعاله
يوم الصال اخته اتباهت بجاله
وصل للماي وماهمته الخياله
(بيوم الصول بطف / واخته تباهت بيه )
🎤🎤🎤🎤🎤🎤🎤
رفعت راسها وتشيمت زينب
من شافت اخوها عالنهر ضهضب
عالراك الماي هوس حيد ومجرب
اقرا ايضا
نزلات مكتوبة للقاسم عليه السلام , لطميات حسينيه مكتوبه
هوسات مكتوبة للامام العباس عليه السلام
قصائد زنجيل ,شور مكتوبة للامام العباس عليه السلام / موقع المنبر الحسيني
قصائد نسائية حسينية مكتوبة للانصار ,لطميات مكتوبة ,فزاعيات ,12 قصيده مكتوبه
( الراك الشاطي اتعنه / وهوس بالرايه )
🎤🎤🎤🎤🎤🎤🎤
وصل راك الفرات وهوس العينه
شال الماي بيده ودمعت عينه
ذب الماي من جفه يوم اتذكر حسينه
( كال وداعت زينب / ماذوكن مايه )
🎤🎤🎤🎤🎤🎤🎤
ترس جربته العباس والرايه عالمتونه
يحارب والجربته شابح اعيونه
كل همه يوصل الماي لعياله اليتانونه
( همه ومكصوده / ايوصل الماي الزينب )
🎤🎤🎤🎤🎤🎤🎤
من انصابت جربته صاح اعذريني
بعينج يزينب شوفي جفيني
واعتابج يعور لا تعتبيني
(عتابج حيل ايعور / ياماي عيوني )
🎤🎤🎤🎤🎤🎤🎤
وحكك يالوفيت بخوتك وياي
علمك هدم حيلي وانطفت عيناي
كون الموت يرضه ويرجع الرواي
(الموت ايدور عالختك / ويبدل بيها)
قمر الحسين:
قناه قمر الحسين ج 9
هوسات للعباس ع
1 اجيتك بالسبت ودموعى سجابه
اريد المشكله تحله والطلابه
ماخاب التعنى ووكف ابابه
يحله البطل ابن البدؤيه✍️✍️✍️✍️✍️
2..انا ظيفتك واليؤم ابات
وانت اخو زينب ابو الهدات
ماتردنى ابد لاوالله هيهات
امراد العاجل يطينى✍️✍️✍️✍️✍️✍️
3..عدك حاجتى عدك ياعباس
يا شلال الوفى ياهيبه يانبراس
تكظى حاجتى وحاجات هاى الناس
تحشمينه كل شده وظيج
4..كتبت العريظه بدموع العيون
اريدن حاجتى وبيه توقعون
انا خادمه وبيه تدرون
الكافل دلل خدامه✍️✍️✍️✍️✍️✍️✍️
5..عليك بداعه زينب التفت ليه
تدري غيرك مالى تجيه
يالمشكر يابو النخوه عينك عليه
بعيونك صد يامولانه✍️✍️✍️✍️✍️✍️
خادمه وشاعره اهل البيت ام محمد
هوسات للعباس (ع)🌳🌳🌺🌺🌺
-----
ابو فاضل زعل لمن دخل عالجيش
والگـوم الچـفـتهـا ظـلـت بحـيــره
درعم واغتضب خلاها راس براس
صوب المشرعه وعالماي تفكيره
دخل للمشرعه والغيره صعدت نار
ويستـر الله منه بصعـدت الغــيـره
والغيره بالجود امچلبه
************🌳🌳🌺🌺🌺🌺🌺ياعباس
شلون اتگـمـط الـعـبـاس وبـيــاحـال
تل مــــن المراجل لا اظـنـه جـبــــال
من زغــره وتحـس خـيال ابن خـيال
ايگمطــونـه ويفل گماطه
**********🌿🌿🌿🍁🍁🍁🍁يااباالفضل
شــلــون ايگمطـوه اتخـيـل المنظــر
واتصور بعـقـلك يرضه ابن حــيــدر
ازغـير بس تحسه من الجبل اكـبــر
ايگمطوها لجبال شلون
***********🌿🌿🌿🌿🌼🌼🌼ياساقي عطاشا كربلاء
اذا للحرب يدخل سيـفـه مهـبـاشــه
وبيده الرمح بيده تگول خـرخـاشه
بس رايته اتلوگ الجسمه دشداشه
دشداشه والله امفصلها
************🍂🍂🍂🍂🍂🍂ياكفيل زينب
لو طب للحرب يردمها راس بــراس
شبل حيدر رضعها الغيره والنوماس
كـفـو ونعـمـيـن منه لـو گلت عـبـاس
والغيره بأسمه امسمايه
***********🌺🌺🌺🌳🌳🌳🌺🌺🌺
لو طـب للحـرب الهـا يطـب مـرتــاح
مــاحـاجـه يشـيـل ويـــاه أي ســلاح
ملچ الموت چـنـه ويخـطـف الارواح
وبكيفه يختار بكيفه
*********🍁🍁🍁🌺🌺🌺🌺🌹🌹🌹
لو طـب للحـرب متـمـنـعـه عــدوانه
ترجـف منه تـرجـف تعـرف بشانــه
غـيــرة حـيــدره شايـلـهـا عـنــوانـه
من حيدر براسه الغيره
**********🌼🌼🌼🌼🌷🌷🌷🌷🌷
لجل صبر الـفـواطـم راح والعـتـــره
وربـك خـلـده والمـوقــف اشكـبـــره
ضحه بروحه ضحه الخاطر الزهـره
والزهره تحملها چفوفه
-------------🌾🌾🌾🌾🌾تحياتي ياقائم ال محمد
هوسات للعباس عليه السلام
.........................
كفو ونعمين يلعباس راضع من صدر نيبه
معدل بلحجي معدل معروف بتراتيبه
وفه لخوته لحسين نشمي وجابته ذيبه
اهلا بيك اهلا ماخذ زود من الكرار
✍️ الحجيه ام علي البصره
٥٥٥٥٥٥٥٥٥٥٥٥٥٥٥٥٥٥
الشاطي يسولف بعباس وختلت موازينه
مدري يذكر الجفين لو يذكر سهم عينه
يشيعيه لاخو زينب نكتب شعر خلينه
هذا البلكلفه .. اتندبينه
✍️ام كرار الساعدي
٥٥٥٥٥٥٥٥٥٥٥٥٥٥٥٥٥٥
متقصر وياي ادريك ياعباس
يلكلك حميه وغيرة واحساس
بيك انه يخويه رافعه هالراس
هاها
انت الكافل . واتنومس بيك
✍️ام عمار الصائغ
٥٥٥٥٥٥٥٥٥٥٥٥٥٥٥٥٥٥
تندبيني يزينب شنهوا التردين
افديلج اجفوفي يختي حته العين
كولللي الطلب جا شنهوا التردين
متقصر .. يلكله همه
✍️ام عمار الصائغ
٥٥٥٥٥٥٥٥٥٥٥٥٥٥٥٥٥٥
بيك الزود خوية والنعم منك
يا كافل ضعنة اليوم اندبنك
وبضلوع الزچیه ارداحلفنك
يا وراد العیله الیوم احشمنک
اليوم الماي اتجيبة
وانتةالكافل والوراد
✍️ ام سجاد العسكري
٥٥٥٥٥٥٥٥٥٥٥٥٥٥٥٥٥٥
هله بعباس يوم ألي أجيت وياه
كلي ادللي خويه وجنت بحماه
يشيعه عافني من غمضت عيناه
اويلي السهم صابه ونكطع يسراه
وكلوله زينب /تنتظرك
✍️ام علي المالكي
.........................
تمت بعون الله واقلام شاعرات الملتقى الحسيني
عليكم السلام هوسات حول ابا الفضل العباس
الخوه اشكد عزيزه وتبقى مقياس
وماتوجد ابد مابين هل ناس
مثل خوت الكافل ذاك عباس
*(الخوه الكافل/بل دم شاريهه)*
مانحجي ولاهيه اتلوك بل كوه
بس عله الكفيل اتفصلت خوه
وفه الكل خواته وصاحب امروه
*(جفوفه انطاهن ذاك البيه غيره)*
ثلث تنعام من كافل اخياته
كصد للماي اخو زينب ابهداته
معروفه الشجاعه ونعم صولاته
*(الشافه ايهاب من عيونه)*
ماصارت الخوه ولا مثلهه اتصير
ولو ردنه نقيس انحير بل تعبير
بس ابخوة العباس ماشفنه تره تقصير
*(اشلون يقصر وانطاهه اجفوفه)*
رحت مهمومه للكافل وندبيته
كتله ادخيل يا عباس حاجيته
اذاني الوكت والبيت هجريته
*(دخيلك جيت ادخيلك مولاي احميني)*
علي جار الوكت جا وين اروح انه
ومن ظيم الزمان اهواي تعبانه
تعنيت الكفيل وذيج ذرعانه
*(ادخيل الكاصد يم البيه غيره)*
ابد.ماخاب كلمن يكصده ابنخوه
واليندب الكافل والنعم هوه
مايحتاج اوصف بيه المروه
*(احتار الوصف عباس اعلومه**
عزيزه اشكد عليه ام الخدر هيه
لو جابو اسمهه يعني مكضيه
زينب غاليه ولابنج يا بدويه
*(ابزينب زينب/مكضيه الحاجه)*
رحت البابه هليله وكلت هيهات
يخليني ارد ما يكضي الحاجات
مامن طبعه وادري بيه تره كفايات
*(اشلون الكافل رد الماشيله)*
مو كلمن نخوه بل خوه يوفيهه
ولا كلمن شجاع اتلوك طاريهه
كله عله ابوفاضل و لكشخ بيهه
*(الخوه اتلوك وشاهد ماضيهه)*
تفصال وتلوك وكلهه لاكت بيك
يا بحر الشجاعه اشكد احب طاريك
يالي بل وفه ما تنشف ابجاريك
*اليوفي الخوه ابعينه وجفينه)*
*لخادمة الزهراء العلويه ام جعفر*
غير مبري الذمه من يحذف االاسم وياخذ الكلام وينسبه له
المواضيع المتشابهه
العرض العادي
