يالمهدي يالمهدي حبنه إلك نهدي
انـــــوارك الليله تشعشع قناديله
يالمهدي يالمهدي
.......
يالمهدي الليلة إلك كل هاي الأفراح
فرحان ويانه الفرح فرحك عطر فاح
الكون هليلة ابتشر نـــورك بزغ لاح
وجبريل بجناح الفرح يسهر الك ليله
......
المحب يالمهدي انتظر انظر اله نظره
يشتـــاك الكم من يحن يتعنه للحضرة
يشتم عطر حيدرعلي ينخه أمك الزهرة
رايد تعجل طلعتك الصبر هد حيله
......
يالمهدي تدري بشيعتك على العهد تنتظرك
تنتــــظر ليلة مقــدمـــك تنتظر كد صبــرك
العيـــون مشبوحه إلك وتقــر من أتنظرك
ميزان هـــالدنية أنعـــوج يحتاج تعديله
.......
الـــوادم أطش الفــرح طش الهلاهل
غــــرد إلك كله الملاء ويـــه البــلابل
أنت الــــوحيد إلي ملك كل عقل عاقل
متواصل وياك العرش من غير توصيله
.......
البحور حــــارت بالـــوصف تكتب قــــوافي
الحرف بسمك مو حـــرف عين ونبع صافي
وبالساني انه اتلهجــــك طعمك غــزه شفافي
وقران جـــدك من نزل سر انته تنزيله
......
الشاعر المبدع
أياد الفرح
المواضيع المتشابهه
العرض العادي
