الى قراءالمنبر الحسيني (الرواديد) لطميه ........

[خادم الزهراء]

خويه اجيتك----خويه اجيتك----خويه اجيتك

هاجت اضنوني عليه -----من ووصلت الغاضريه
***************************************
اجيتــــك يانظـــر عيــني-----بهظم وبحسره لمن جيــت
اجيت ولوعتي بصدري-----يخويه من اليسر رديــــــت
اجيت اتعثر بممشــــاي-----ودموع الالـــــم صبيــــــت
بيه مصابــــــك شسوه------يخويه حسيــــن وشخليـت
هذا حالي----هذا حالي----هذا حالي
حالتي ضيم واذيه-----من وصلت الغاضريه
**************************************
اجيت احجي السده بحالي----يخويه وعملـــة الايــــام
اجيت وجايبــــه العيلـــه-----يخويه من الحرم وايتـــام
بس وحده خذاهه البيــن-----ماردت بقــــت بالشــــــام
عله راسك يبو اليمـــــه-----خلاهه الزمـــــــــــان تنام
لوعتني----لوعتني----لوعتني
جيتك واذكر رقيه-----من وصلت الغاضريه
*************************************
يم كبرك اجيت اليــوم--------وابدماحسييـــت بهـــــاي
بقيت ارسم صور يحسين-----خوتنه وليـــالي صبـــاي
شلون تروح عني بعيد-------زرع آنه وجنتلي المـــاي
وانته اللي جنت يحسين-----مثل ظلي وخيال ويـــــاي
يل عفتني----يل عفتني-----يل عفتني
ياعظم هاي الرزيه-----من وصلت الغاضريه
*************************************
وصلت الغاضريه اليوم-----يخويه والدمــــــــع ساجم
يم كبرك اجن ساعــــــه------وساعه اكصد كمــر هاشم
اتذكر لمـــن عفتـــــــه------عند المشرعـــــــه نايـــــم
والاكبرهم اذكرنـــــــه-----وعبـــــد اللــــه وبعد جاسم
ياحسرتي----ياحسرتي----ياحسرتي
جا بعدشنهي الرجيه-----منوصلت الغاضريه
*************************************
يخويه من رحت عني-----آنه اتمحنــــت يحسيـــــــن
ومن كثر البواجي عليك---بعدماظل دمـــــــــع بالعين
يخويه ومن عكب عينك----آنه انطي الوجـــه لا وين
وبعد مثلك يبن امـــــي-----يعوضني الزمـــــان منين
آيناري----آ يناري----آ يناري
بالحشه تلهب سريه------منوصلت الغاضريه
*************************************
لون بالغاضريــه هنا-----يخويه ومن يخيرونــــــــي
اظل يمك لحد الموت-----عله كبرك ياضوه اعيوني
المدينه لورحت ليهه-----اموت بحسرة اضنونــــي
وشجاوب لو اجتني الناس--عليك ومن ينشدونـــي
يا زماني----يازماني----يازماني
ابقه اظلن مو بديه------منوصلت الغاضريه
**************************************
ونسالكم الدعاء

من مواضيع خادم الزهراء

» ستايلات ذهب للفوتوشوب.
» فلتر مهم لتصفيه الوجه من الشوائب يحتاجه المصورين والمصممين...ادخل لايفوتك
» فلتر لعمل شعاع على الكتابه ............روعه أدخل وشوف.
» الى قراءالمنبر الحسيني (الرواديد) لطميه ........
» قصيدة لأميرالمؤمنين ( ع )

[م مناوب]

جزاك الله خير الجزاء وحشرك مع الحسين