بسم الله الرحمن الرحيم
اللهم صل على محمد وآل محمد وعجل فرجهم
يابــــــــــــــاب المُــــــــــــراد
ــــــــــــــــــــــــــــــــــــــــــــــــــ ــــ
ياباب المُــراد الــــروح === تهواك إو يريت إتروح
يمّك ياإبـــــن حيـــدر === عزاها إتقيمه تتحسّر
ياباب المُــراد الــــروح
ـــــــــــــــــــــــــــــــــــــــــــــــ
ياباب المُراد اليــوم == نريدك تصعد المنبر
تنادي إبصوتك الموسوم == كُــــل مَنْ بالحقد أسفر
أساءوا للنبي المعلوم == جدّك يالولــي الأطهر
ياأمّه كفايه النـوم == هذا النزّهَه الأقدر
برّاه العلي الرحمن === دينه خاتــم الأديان
على الهادي ملتها إجروح === يابـــــاب المُــراد الــــروح
ـــــ
ياباب المُراد العيــــــن == تصب إدموع يم بابك
ندري بيك مثل إحسين == ثلاثـــه أيّـــــــام بمصابك
سمّوك إو نعاك الدين == ما يـــــدرون أصحابك
يانبعه إو لفاها البيـــن == شلون الموت ما هابك
غدر غدروك يامــــولاي === كُبر حزني إو ألم بحشاي
على فگدك تون وإتنوح === يابـاب المُــراد الــــروح
ــــــ
يابـــــــاب المُــــراد آلام == چثيره إو ما أبد تبرد
غريب إبديرة الأســــلام == غده اليهوَه علي الأمجد
ضدنه إموجه الأعلام == يكرهــــون النبي أحمد
نيران الحقد مَتْنام == ولا ساعه أبد تخمد
والغايب يطفّيهـــــــا === وإبيوم اليجي ليها
للغايب تحن وإتبــــوح === ياباب المُــراد الــــروح
ـــــ
ياباب المُراد البيــــــك == عِلِم من حيدر الكرار
حقدهم ما گدر يطفيك == ياكوكــــب يشع أنوار
تركع لو يمر طاريك == أعــــــلام البشر تحتار
والمنبر يجي إيهنّيك == لأن منّـــك أخذ تذكار
سمع صوتك مله الأكوان === تحــــــاور ما تظل حيران
عشگهـــا ياأمل مَيْروح === ياباب المُــراد الــــروح
ــــــ
ياباب المُراد الخيــر == عندك تنتهي الآهات
والزاير إلَك مَيْحير == منّـك ياخذ الحاجات
أبد ما يوفي التعبير == فضلك ياأبــــو الهدّات
مثلكم لا أبد مَيْصيــر == ياساده على السادات
شفاعتكم علينه إوسام === مُحبكــــــم بالمودّه هام
تواسي نورك المذبـوح === ياباب المُــراد الــــروح
ــــــــــــــــــــــــــــــــــــــــــــــــــ ـــ
منقول
المواضيع المتشابهه
يا باب الجواد
العرض العادي
