لأم البنين

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

لأم البنيــــــــــــــــــــــــــن
ــــــــــــــــــــــــــــــــــــــــــــــــــ ــــــــــــــــــــــــــــــ

هذا الحنين === لأم البنين
إسمعها ياحامي الحِمَه === حزنتْ ملائكة السِمَه
لأم البنين === لأم البنين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
إسمعها ياحامي الحمه == أم البنيــــــن الأبطـــال
فدوه الولدها فاطمـه == نادت هذوله الأشبال
طيب الوفه عدهم نِمَه == عنهم أبد ما ينـــــزال
لحسين أبوها الغانمه == يفدونـــه يوم الأهوال
إلهُم مَعين === حُب الحسين
جيّاشه عدهم عاطفه === يوفـــون تدري عارفه
لأم البنين === لأم البنين
ــــــ
من عاهدت حيدر علي == وفــــــّتْ وليهــــــا الكرار
ربّت وُلد هذا الولي == بالحُب غدت تملي الدار
رايد إلهي تعتلــــــي == نالت شرف ثابت صار
باب الحوايج تنجلي == عدهــا الهموم إو تنهار
نالت وسام === من الأمام
لأم الأضاحي الأربعه === حزنـــتْ عيوني دامعه
لأم البنين === لأم البنين
ــــــ
حُب الحُسين إو نُصرته == غايتهــــــا صارت كُل حين
تعرف نتيجة نهضته == تحيـــــي الضماير والدين
سيل الوفاء الزرعتـه == تسگيــه غدت ماي العين
عباس إبنها وصّتـه == قايد يصيــــــــر السبعين
يصبح كفيـل === يوم الرحيل
وإيداري زينب مُهجتــه === يرســـــل معانــــــــي دمعته
لأم البنين === لأم البنين
ـــــ
يوم الذي سار الضعن == عنها لفتهـــا الأحـــزان
كلهُم مشوا عن الوطن == عافــــــوا گلبها الولهان
روح إو مشت ظل البدن == يسكــــن ديار الوليــــان
دمعات ما صُبرن جرن == سيـــــل الدموع العنوان
نور البنين === غاب إو حزين
ظلّت وحيده إويه الدمع === حســرات روحي تنسمع
لأم البنين === لأم البنين
ـــــــ
بيّض وجهها الطاهره == عباس راعي الطيبات
من شافت الكافل سَرَه == ظلّـــــت تطيح الرايات
نهر الوفه فاض إو جره == من شاف فاضت دمعات
من شاف زينب حايره == نزلــــــت عليهم لعنات
موت إو يحوم === عند اللزوم
محّد يلمها غيرتــــــه === برهان لأمّه الرضعته
لأم البنين === لأم البنين
ـــــــــــ
زور البقيع إتشاهــــــده == گبر الوفيّه المهضوم
حسرات منّه صاعــــــده == تشكي الظلم بيه إيحوم
هاي الوُفت أهل الهُده == نـــور الوفاها المعلوم
مگصد غدت طول المَدَه == يگصــد يجيها المهموم
باب الرجاء === بيه الشفاء
تروي اليحبها إمن الظمه === وإدمـوعي دايم ساجمه
لأم البنين === لأم البنين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldss737179.mp3.html

[محـب الحسين]

سلام الله على مولاتنا أم البنين
وعلى أشبالها الاربعة الأطهار
أحسنت وأجدت شاعرنا الكريم
جزاك الله خير جزاء المحسنين

[محب الرسول]

بوركتم وبوركت جهودكم الرائعه

نسأل الله التوفيق لنا ولكم لخدمة أهل البيت عليهم السلام

من هذا الصرح .. ودمت برعاية المولى

[عاشقة النور]

السلام عليك يا ام البنين

احسنت واجدت اخي

جزاك الله الف خير


"عاشقة النور"

[أنوار الولاية]

قصيدة رائعه
جزاك الله الف خير وجعلها في موازين حسناتك
تحياتي وفائض ودي لشخصكم الكريم

[فرقة احباب الزهراء]

بارك الله بك

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين
وعجل فرجهم وألعن أعداائهم
سلام على أم البنين ,,, و على أولادهاا إلى رااحواا فداا إلى أبو علي الحسين