ظلمه وهالسيف مكصوده --- بليلة توديع مشهوده
من جمر الرزيه--- يانبع الحميه
بليلة توديع مشهوده
***
ياحيدر اريد جواب سولف واشرح الحاله --- قبضتي الرافكت يمناك تعاتب تنشد احواله
اثر ذاك الهجر وبعاد تشتت شملي وحماله -- الك رده بسمانه اليوم حبيب المصطفه وأله
أذكر ايام مرسومه --- وقبضة هالسيف مهمومه
اخو الهادي ووصيه -- يانبع الحميه
***
ياسيف الحملته سنين من اول بدر ملكاك --- حملتك والرزايه اثكال سند ليه وصعب انساك
نزلت من السماء نزول وهاتف ياعلي بيمناك-- احمله وردد الايات ورحلات المجد بدماك
أحمل اسفار دلالي --- وسيف الفقار يبرالي
بكل ليله ومسيه --- يانبع الحميه
***
اذكرك من برزت بيوم شهابي بهالظلام وضوح --- اعاتب دهري ابدمالان ولايوم التلين سفوح
لحت بذرة رجس واحقاد وجبت رؤوس الكفر بالسوح--- ماضلت لآميه اركان النوايح شهدت بهالنوح
نبعي الميدان اسعيله --- واحصد بألرؤوس واوميله
اكطعت اهل الرديه --- يانبع الحميه
***
بعشرتك يافقاري دروب من بدر واحد واحزاب --- ماتعرف تعب وتحوم ويرعد قائمك بجواب
ماهبت الرماح وخيل ولاغدر الردى الاجناب --- من حقي التباهي ابزود يافخر العرب واعراب
تدرك احقاد اعدائي --- وتكطع اهات رمضائي
تنخاك البريه --- يانبع الحميه
***
من حقك ياداحي الباب تحمل ردة خضابي --- ابن ود انشطر من صال انصرع من ضربة جوابي
وتكنطر مرحب نشوفه ومغنم هالحصن بابي --- ينادوني فقارك دوم وقبضتي العتره وكتابي
تكبير الله يتردد --- ونارك ياسيف ماتبرد
لهيب الغاضريه --- يانبع الحميه
***
كل يوم اليمر ياسيف الك صوله برزايه البين --- تطوي بكل جرح رحلات وتنطرك حرب صفين
واشد رحله بأرض كوفان من فزت بطبرتي اتعين --- اصبر والصبر يرجاك مابين الحسن وحسين
تنطر احزان تتوقع --- وصبري المكتوب مايجزع
شبح وجه المنيه --- يانبع الحميه
***
ماعندي ذنب وياك شلون بهالجرح يكبر --- بقيت انطر ثلاث ليال ولامنك خبر يظهر
الك ساعة ظهور بيوم ويحملك صلب حيدر --- المهدي القائم الموعود سفينة فاطمه التبحر
ترفع رايات ثاراته --- ومنهج أحرار غاياته
مدروسه الوصيه --- يانبع الحميه
***
الكعبي
18-1-2011
المواضيع المتشابهه
العرض العادي
